يقول الشريف

يقول الشريف

يقول الشريف اللي يجمل حمايله=على قمة الطاروق غنى مثايله

تبديت والمبدا بسم خالق البشر=الهي عظيم الشان مظهر دلايله

الا يا الله اني جيتك بقلب منغمر=به الهم والضيقات شدت حبايله

تغنيت يوم الشعر فجئه يشدني=وكلا تغنى يا عرب في قبايله

انا ربعي اهل العز والخيل والقنا=هل العلم واهل الحرب تقدح فتايله

وربعي هل التقوى وربعي هل الكرم=وربعي هل الناموس ومجنى سلايله

وربعي رجال الطيب والعز والظفر=دروع الحمى يوم ان الايام مايله

لما ذكرو اشراف العرب قيل والنعم=اجاويد مثل الغيث لا اسبل همايله

لو امدح بشعري لين يفنى به الحبر=فلا اطول شخص ولا بمحصي فعايله

انا يكفي اني خادم القوم بالشعر=ولا لي سوا ربعي والاشعار زايله

انا ناصر اللي موقفي ما حد انكره=ابين مثل نجمٍ ظهر حل قايله

ويا وجد حالي كل ما جات سيرته=تذكرت زوله لا وفلت جدايله

صغيرٍ جميلٍ مترفٍ مضمر الحشا=اهوجس طوال الليل وعيني تخايله

لو اعيش مهما عشت ما انسى تبسمه=ولا انسى رموشٍ وردتني نكايله

وهذي هلاليه لفتكم بحلها=وكلا ينومس يوم يظهر حمايله

المصدر: الملتقى الجماهيري للشاعر محمد بن فطيس المري

الله الله على الفخر صح لسانـــــــــــــك و اعتلى شانك ,, و يشرفني إني أول رد على هذه الرائعه


تحياتي و تقييمي لك أخي الكريم

صح لسانك يالشريف
وسبعة انعام بالاشراف

بيض الله وجهك في مدح ربعك ، وذا واجبك يالغلا ،

ابدعت في الطرق الهلالي ، ولا هو غريب عليك الإبدآع،

تحياتي،

كفو كفو والنعم فيك وفي ربعك
هههههههههها بس مافيك حيله يبو حسين الصغير
هذا معك معك في مقيلك والسمر الله يرضا عليك
ي اخ ناصر كل علومك جزله صح لسانك مدي الحياه
وتقبل تحيات واتقدير اخوك سعيد ولاهنت

كفو كفو والنعم فيك وفي ربعك
هههههههههها بس مافيك حيله يبو حسين الصغير
هذا معك معك في مقيلك والسمر الله يرضا عليك
ي اخ ناصر كل علومك جزله صح لسانك مدي الحياه
وتقبل تحيات واتقدير اخوك سعيد ولاهنت

صح الله لسانك ..
وكلن يجود بمدح ربعه ..
ومثل ما قلت ، الرجال ماله الا ربعه وعزوته

ونعم وسبعة أنعام والف مره بك يا ناصر وبربعك

صح السانك يالنشمي

بيض الله وجهك وصح لساانك واعتلى شانك ربي يعطييك العافيييه

دائما مميز ومتالق .. لك ودي ...

صح بدنش يا ميسون والله يعلي مقدارش

والشرف لي بمرورش الجميل تقبلي تحياتي وخالص تقديري

صح لساااانك وبيض الله وجهك


تقبل مرووري وتحياتي