محمد بن الذيب يا منوة الروح

محمد بن الذيب يا منوة الروح

عندما . يتكلم الإبداع . فتكون القصيده قريبه من النفس . مفرداتها سحريه . تسحر القلوب . حتى تتمكّن منك وتسيطر عليك . فأعلم أن قائلها هو
المارد / محمد بن الذيب .
أترككم مع قصيده من أجمل ماسمعت . رائعه إلى حد الجنون .

يامنوة الروح يوم إن الحشا ضمّش . .
تلّي حشا القلب تل ورزي القامه . .
يافتنة الغيد يوم إن الغلا زمّش . .
سمّي على القلب من خلفه وقدامه . .
ويا تلعة الجيد لامن قلتي بفمّش . .
ودعتك الله حبٍ(ن) يذبح هيامه . .
ماني بقايل سقى الله روحتي يمّش . .
لكن سقى الله عصر الحب وأيامه . .
الشخص في عين من يغليه لا همّش . .
ماتطيح له دمعه إلا تطيح له هامه . .
روفي بأبو زيد قبل يموت مالمّش . .
وهزي قوامٍ(ن) لاهندم كن هندامه . .
أصيلةٍ(ن) قد قناها خالش وعمّش . .
ولها عقيد النشاما يكرب حزامه . .
وخليني أطيح من منحرش لا كمّش . .
طيحة كبيرٍ(ن) ماعاد تشله عظامه . .
مجرم غلا وش عليه إن شرْب من دمّش . .
مادام بعدش بداية لحظة إعدامه . .
وإن طوّل البعد وإن ماطال لا يهمّش . .
أنتي فْوجهي ووجه الشعر وإلهامه . .
القلب كنش فْحضن إبيش وألا أمّش . .
إلين يموت الغلا ونكفّن أحلامه . .

المصدر: الملتقى الجماهيري للشاعر محمد بن فطيس المري

االله عليك يالمارد

العجمي لاهنت على هالنقل المميز

مايبي له شهاده محمد ابن الذيب

تقبل مروري

صح لســآنك يآآبن الذيب
ولاهنت أخووي ع الطرح
وعسســآك ع القوهـ