ليست بالاولى ولكن

ليست بالاولى ولكن

السلام ابداه واعن التحيه بالسلام=يا سلام الله على اللي فقدهم فقد الحياه
ناصر بن حسين جاكم في معاليقه كلام=الشريف اللي نفاه الوقت والعالم نفاه
ردة ماهي بعيده حب فيها واحترام=هل ارا من بينكم غالي يعانق من لفاه
بالشعر رافقتكم سابق وبه جالي مقام=وبالشعر حصل عريب الساس بالطرده جزاه
جيتكم في كفي اليمنى تحية مستضام=وفي عيوني حب صادق من خويٍ لاخوياه
وجيتكم في كفي اليسرا تعابير الخصام=وفي صميم القلب عفه ما تغير من غلاه
ان تجافينا رضينا وان تولينا حلام=وان قدرنا ما طغينا والله يهين الطغاه
ناصر اللي كان يسقيكم قصيده بانتظام=عاد وحروفه على الجزلات تعطيه ارتقاه
كل علمٍ زين في جوفه يغنيه الحمام=وكل صمتٍ في ضميره راح ما بيح خفاه
شوق نفسه يدفعه لاهل المكارم والكرام=الرجال اللي بهم شعره تعلا مستواه
بس من ذلحين شرط وما على شرطي عسام=المذاهب قدسها يمشي على حتى العصاه
ان بغيتوني فانا اللي عشت في حب وسلام=وان قطعتوني فانا ناصر على كل اتجاه

المصدر: الملتقى الجماهيري للشاعر محمد بن فطيس المري

الله الله عليك ياناصر كما عرفناك من اول شاعر جميل ولا فيك شك

صح لسانك وحياك الله من جديد والاحترام باقي وناخوك ولا فيه احد معصوم من الخطا
نرحب فيك والله يحييك بيننا

أرحب يآ ناصر ابن حسين الشريف ترآحيب المطر ،
عرفنآك شآعر مميز وأخو مهما تفرقت مذاهبنا أو غير ذلك ، فهذا لا يهم مدام يجمعنا جمال الحرف والأخوة ..
فهد الهباش يرحب بك في كل وقت ، وينتظر جميل حرفك وعذب شعرك ، وليس في قلبه عليك شيء أولا وآخرا
هنآ منبر شعر ولا غير ، وهنا للادب مكان في حيآتنا ، تفرقنا أو لا هذا لا يهم ،
مدام هناك قاسم مشترك بيننا فهذا الأهم ..
مصآفحة جميله ، وأتمنى إكتمال عطر الورود بحرفك ..
ولا زال للمحبة وجود وللمعنى ردود..
حيآك أخي ناصر ابن حسين مره أخرى تحية خآصة بأخيك فهد ،،

مرحبا الف اخوي ناصر الشريف...
شرفت من جديد بين اخوة يكنون لك الاحترام

واتمنى لك عهدا جديدا بيننا مليء بالعطاء يليق بناصر الشريف
وبداية مصافحه جديده بأيادي بيضاء نقيه
جمعنا هنا القلم وليس غيره لا لنعرات القبليه ..لا لشعارات التي تجعل قلوبنا..
تتنافر
فليكن العطاء هو الهدف..
صح السانك حتى ترضى انت تمتلك الحس الحقيقي في الشعر
يدخل القلب بعذوبه وسلاسه .. اشيد بذلك الحس الرهيييب العذب

لله درك
شفت القصيده ولما شفت اسمك قلت لزوم ارحب بعودة شاعرنا المبدع
الاخ ناصر الشريف
واتمنى يمنح ناصر الشريف
لقب شاعر فهو شاعر يستحق اللقب
هنا تجمعنا الألفه والأخوه ولاطريق لشي آخر يعكر صفو الاخوه


وداعا للماضي و مرحبا بمستقبل مشرق آتي
دمت بود

ارحب يا بو حسين
وصح الله الساانك وعتلا شااانك
شاااعر ولا انت بحاجة شهاادتي
وحضورك الشعري يزيدنا ابتهاااج
فحيااك الله اول وتااالي واصل ابدااعك
تقبل مروري المتوااااضع

ياهلااااااااابك أخوي ناصر
إشراقه جديده تنير بها هذا المنتدى
صفحه جديده اتمنى أن تكون ناصعة البياض
ومرحبا فيك مره ثانيه
واتمنى أن يكون تواجدك إظافه جميله
للشعر ومتذوقيييه ونحن ننتظر القادم منك بشغف
وصح لسانك ملااييين
والله لا يهينك

اررحب ياهلا ويامرحبا ياناصر حياك الله ,,

صح الله لساانك وصح قلبك وكلك ولاهنت شاعر جزل ومعهود بالجزاله طال عمرك ,,

كل تحياتي وتقديري لك واتمنى لك السداد بين اخوانك وربعك يالقرم ,,

وافر احتراامي .

هوى الغربي

ابقاك الله وصح بدنك ولا هنت على الاطراء الرائع والجميل

تقبل تحياتي وخالص تقديري

البقى يا فهد وتسلم على الاطراء

وهذا الكلام اللي نبيه الله يعز مقدارك

ويعلم الله اني ما اكن لك اي ضغينه

تحياتي لك ولحرفك الرائع هنا

الاخت عاليه الله يعطيش الف عافيه

وتسلمين على هذا الترحيب والاطراء الرائع

ولكن قصة لقب وما لقب هذي مفروغ عنها اختي عاليه

فالجميع يعلم هنا انني انا الذي لا اريد اللقب
واشكرك لك مطالبته لي ولكن ارجو ان ابقى ناصر فقط بدون القاب

صح بدنش وتسلمين مره ثانيه على الترحيب والمرور الرائع تحياتي