ياهاجسي

ياهاجسي

ياهاجسي والشعر مبدى فكر وإحساس الضمير
يهيض هيض وغيض كله ما عليها رابطه

إليا جرى من لوعة الدنيا على حاله خطير
من هم وألآ حزن وألآ أي شين ضاغطه

لازم يعبر عن شعوره لا يجي بعده كسير
مثل الجهاز اللي يذبذب ذبذباتن لاقطه

والمشكله سلك المولد دوب موجاته تسير
راع الصيانه هو سبب تخريب ماهو ضابطه

مدري جهل مدري كذى مدري علامه يا منير
ما يقبل التوجيه وشله فالعلوم الهابطه

شهادته عند العرب والناس يعرف بالخبير
ماهي شهادت حيلة اللي من ورانا لاهطه

يعجبك قوله لا نطق والله ولا كنه أمير
غير الفعول اللي تغر اجواد ناس اتخالطه

ما كنت اصدق لين شفت الوضع في عيني يصير
ولا كنت اظن اني اشك بيوم ترجع ساقطه

أثر الصداقه والعلاقه من قديم الوقت غير
غير الزمان اللي نعيشه في طريق الخارطه

ياشيب عيني يوم اشوف الحمل في ظهر البعير
والحمل زاد وزاد جور اللي بزنده خابطه

وياشيب عيني يوم اشوف الحر في وكره اسير
والبوم في عشه اكل صيده وجتله زاقطه

ثنتين في الرجال راس المال والمغنم كثير
يا طيبها يا زينها للخير نفسه قالطه

الأوله في الرجل دينه يا عرب دافع كبير
من يرضي الله يصلح الله كل أمرٍ غابطه

والثانيه من يوم ما هو في الصبا سنه صغير
تربات شايب علمه وأوصى عليه وشارطه

وجهت نظر مني وانا قلبي على الدنيا بصير
اعرف سلوم المرجله وافطن شروط اليافطه

قلته وانا للطيب والطَيب خوي ماني حقير
على النقاء زادي وشربي من طبوعي ساعطه

خويي دربي لو حصله ظرف في وقته عسير
أقوم بالواجب واخفف كل ظرفٍ حاقطه

والخوه اللي لردى والله ولا مكسب وخير
يا نعنبوها نعنبوها من خساره سامطه

فهد البقمي

المصدر: الملتقى الجماهيري للشاعر محمد بن فطيس المري