الله من نظرة

الله من نظرة

الله مـــن نـظــرة هــــزت كــيــان الـقـلــوب
من لمحة خاطفه تشبه بروق السما

مـن نظـرة مـا تسجـل فـي سجـل الـذنـوب
في صدفة ما قصدنا تحت سقـف القضـا

تاثيـرهـا فــي خفـوقـي كــل حــزنٍ يــذوب
وعـز الله أن نهـر حبـك فـي خفوقـي جـرا

ظنيـت شـمـس المحـبـه بينـنـا فــي غــروب
ومـن بعدهـا ظلـمـة يصـعـب معـاهـا اللـقـا

وأثـــره مـجــرد غـيـامـا للمـحـبـه يــشــوب
وبعد اللقا شفت حبك مثل شمس الضحى

شوفك على خافقي أبرد من ابـرد شـروب
فــي سـاعـةٍ ذابحـنـي لــك شـديـد الظـمـا

لـد النظـر يـم عينـي شـوق كيـف التـعـوب
متهالـكـن مــن بـعـد فـرقـا حـبـيـبٍ مـضــا

مـن خمسـة اعـوام قلـبـي محرقـنـه لـهـوب
ونـظـرة عيـونـك تطـفـي ملـهـبـات الـلـظـى
ظنـيـت قلـبـي بـعـد فـرقــاً طـويـلـه يـتــوب
وساعة نظـر رمـش عينـك ثـار شـوق وغـلا

لـو كـان غظيـت طرفـك مـن تجـاه الجنـوب
مــا كــان ثــورت فــي قلـبـي أنـيـن الـبـكـا

أواه مـــن سلـهـمـة عـيـنـاً عـلـيـه تــصــوب
مــحــتــار فــــــي سـلـهـمـتـهـا داء ولا دوا

مـانـي بـلايـم عيـونـك ثـــم مـانــي عـتــوب
لأن شـوفــت حبـيـبـك ذوق وأحـلــى حــــلا

يا جعـل مـن سبـب الفرقـا سمـوم الهبـوب
يـا جـعـل عيـنـه تــذوق كـيـف مــر العـمـى

المصدر: الملتقى الجماهيري للشاعر محمد بن فطيس المري

صح لسااااااااااااانك

قصيده بمنتهى الروعه

مرحبا ومسهلا ياطيف الحبيب


لا أعلم هل القصيده من منطوقك او منقولك ..


فإذا من منطوقك سنتركها يومين هنا الى ان تطلب تغيير معرفك الى الاسم الحقيقي ..

لا هذا قوانين وشروط هذا القسم قسم الشعراء للحفاظ على الحقوق الادبيه ..

صح لسانك قصيده كاسيها الجمال ..

لا خلا ولا عدم

أبو مشاري

السلام عليكم ورحمة الله وبركاته ....


مسيتم بالخير جميع ...... وشاكر تواصلكم وأسأل الله لكم التوفيق .....


بالنسبه للقصائد التي أكتبها كلها من حروفي وأنا أخوكم ( حسين الحارثي )

ونعم ياحسين ..


وتم تغيير معرفك ..


حياك ربي بيننا

لِـ حرفكِ ولـِ نَبضِكِ إنحنى القلب تقديراً لكِ
متميز بِهذا الهطول المختلف يامتألقـ
سلم نبض احساسكِ ودآم بريق قلمكِ
لروحكِ الورد وعبيره ..!

بيض الله وجيه الجميع وشاكر زيارتكم ولا هنتوا

بيض الله وجهك
وسلمت يمناك

صح الله لسانك يا حسين الحارثي


شاعر متمكن الله لا يهينك