سلام تسليمٍ يخص المطاليق

سلام تسليمٍ يخص المطاليق

السلام عليكم ورحمة الله وبركاته الله يمسيكم بالخير

هذي الله يسلمكم رديه بيني وبين واحدٍ من الربع على الجوال

مداعبات بيني وبينه داايم وحبيت اني اعرضها لكم بغرض

التسليه والونااسه

هو يقول

سلام تسليمٍ يخص المطاليق .... الكل منهم ياصله ويعنا له

ربعي هل الفزعات في ساعة الضيق ..... اهل الكرم والمرجله والشكاله

لولا غلاهم مابدعت الطوريق .... الكل منهم له معزه لحاله

بشكي لهم وقتٍ يضد العشاشيق .... بدال طول الهرج نقصر حباله

انا سباني حب بعض المخاليق .... حبٍ تصوب وهو عاده وكاله

حبٍ سطا مثل الجبال الشواهيق ... ومن جاه مثلي آه وا عزتاله

الله من قل البخت والتوافيق ... يدور حظي مثل دور المحاله

ياناس من دون المحبين ما اطيق ... تصبح فجوج الارض مثل البياله

وسلامة اللي لا وقف كنه طويق .... والى تحرك ما على الدرب شاله

ورديت عليه بذالابيات

يامرحبا كنها نبات الزماليق .... تنصاك يا عز الرفق والزماله

ياللي يحلق في سما المجد تحليق ... واقصى الرفاقه له عليهم جماله

له في علوم العز بصمه وتوثيق ... ومعربٍ مابين عمه وخاله

الله يجيره من علوم المطاافيق ... اللي يمين الخير واللي شماله

مرن مغابيش سواة النواعيق .... ومرن يسابق فالعصاري ظلاله

يبغي حلاله ما تجيه السواحيق ... وهو ما درى ان مسعاه يمحق حلاله

ماهو يخايل لا يحات البراريق ... ما جاه من خيرٍ يدور بداله

وانا وليفي مدهله بالمعاليق ... يختار منها مسكنه والشلا له

ابيع كل الناس جمله وتفريق ... واشري وصاله لو تهيئا وصاله

ان دبرت فيها وصوف المدانيق ... وان اقبلت مثل القمر في كماله

زينه من الله ما حصل فيه تلفيق ... يفداه من يشري بماله جماله

وسلامتكم

المصدر: الملتقى الجماهيري للشاعر محمد بن فطيس المري

بشكي لهم وقتٍ يضد العشاشيق ....

كلمة العشاشيق ولا المعاشيق ؟ < تصحيح في الكلمة

مرن مغابيش سواة النواعيق .... ومرن يسابق فالعصاري ظلاله

يبغي حلاله ما تجيه السواحيق ... وهو ما درى ان مسعاه يمحق حلاله

ههه سملني عليه قله يقول شاسع المري كان الله يعونك ياصاحبي
صح الله اللسان كل واحد فيكم ومدح الرجال للي تستاهل علم طيب

مرحبااااا بك يا شاسع

وصح الله بدنك يالغالي ولاهنت على الحضور وما عليك زوود بالطيب

والعلوم الغانمه لا عدمتك


اما بالنسبه للعشاشيق هذي كلمه دارجه ومعروفه وهي من عنده وحبيت انقلها كما هي


لا هنت فديتك

محمد المري مميز ،، وتصخر القاف،،،
كن نجما كما أنت ... تحياتي.....

اقتباس ابيع كل الناس جمله وتفريق ... واشري وصاله لو تهيئا وصاله

لله درك نص راقي كالعادة والله

اهنيك والله لايهينك

لاهنت يامحمد
عملاق ولافيها كلام

ابدااااع ونعم بكم جميــع



لاهنت ي محمد المري على الطرح وعساك ع سالم

محمد لاهنت انت وخويك

والله استمتعت بها واعجبتني

وتسلم وانت راع الاوله والعلوم الغانمه

ربي يحفظك وتقبل ودي واحترامي لك

اقتباس المشاركة الأصلية كتبت بواسطة فهدالهباش القحطاني محمد المري مميز ،، وتصخر القاف،،، كن نجما كما أنت ... تحياتي.....

مرحبا يافهد وماعليك زوود نفداك


الله يبيض وجهك على الحضور

اقتباس المشاركة الأصلية كتبت بواسطة رائد العصيمي لله درك نص راقي كالعادة والله اهنيك والله لايهينك

هلا وغلا ومليوون مرحبا يا رائد


منور الله يحفظك يالغالي وما عليك زود