..ياللي تعابت غموضي لاتوضحني..تركي آلميزآني..

..ياللي تعابت غموضي لاتوضحني..تركي آلميزآني..

الله ولا الهاجس اللي مايريحنـي
اسهر عيوني وعنانـي وعنيتـه
احاول اخفيه مير الحزن يفضحني
متمركز بالحشاء كن الحشاء بيته
ياللي تعابت غموضي لاتوضحني
ماباقي في الضميـر الا تناهيتـه
اصافح الهم قبل انـه يصافحنـي
واحب خشمه وردد فالخفي ليتـه
ليته قبل لاتزل خطاي ينصحنـي
ولايريح خفوقـي مـن عفارتيـه
والغالي اللي على الشوق ذابحني
اقفي به الوقت ماجاني ولاجيتـه
ياسيد الغيد قبل اقول لـك بحنـي
بخبرك عن كـلام عنـك خفيتـه
تدري وش اكبر خطا الله يسامحني
اقفايتي عنك وانت اللـي تمنيتـه
وهذا هو اللي معذبني وجارحنـي
اقـول ابنسـي وانـا ماتنسيتـه

طابت مسامعكم

المصدر: الملتقى الجماهيري للشاعر محمد بن فطيس المري

اقول ابا انساه وانا ما تناسيته

الله على هــ الكلمات الرائعه والعذبه

لشاعر عذب ومبدع

قطف رائع ومميز اختي الفلوه

والله لا يهينك

تحيااتي وتقييمي

مبدعه فلوة أختيارجميل كعادتك
لاحرمنا تواجدك

تدري وش اكبر خطا الله يسامحني
اقفايتي عنك وانت اللـي تمنيتـه
وهذا هو اللي معذبني وجارحنـي
اقـول ابنسـي وانـا ماتنسيتـه



الله الله الله الله صح الله لساانك يالميزاني


وبيض الله وجهش يالفلوه على الانتقاء اللي عناني وعنيته

من الشلات المميزه
لاهنتي يالغلا وبيض الله وجهش على النقل الكايف

مافيه حيله الميزاني ....

-
-
لاهنتي يالفلووهـ

من الشيلات الليّ دووم اسمعها واعشقها ..
لاهنتيّ يـــــــــــ الغلا ..
تستاهليّ ++++++++++++++

لا هنتي اختي الفلوه على الذوق الجزل

دمتي بخير

يعطيك الف عافيه اختي انا امووووت ف هالقصيدة



اقول ابا انساه وانا ما تناسيته