الكلمة اللي جرحت صدري ولا معهـا عمـل

الكلمة اللي جرحت صدري ولا معهـا عمـل

الكلمة اللي جرحت صدري ولا معهـا عمـل
كنيتها بيـن الضلـوع العـوج قبـل اقولهـا

اليوم ما عنها عذر والباب ياسـع لـه جمـل
والناس ما اقطع من يمانيها واحش ارجولهـا

ان كان ما اجمع لي شمل ماني مفرق لي شمل
واهل الفعول اللي تنومس ما جحدت افعولهـا

وان كان يا حاتم رفيقي لاحقـه منـي زمـل
ليته مكاني جـرب الوقفـة علـى اصولهـا

اشوف هو يصنع امل حتى ولـو مالـه امـل
مع اني ادري ما هي بحوله ولا هـو حولهـا

والكامل الله والبنـادم لـو يكمـل مـا كمـل
لو يملك كنوز البسيطة عرضها مـع طولهـا

اما انا لامن عشقت اعشق الـى حـد الثمـل
وليا بطشت ابطش بكف مـا بطـل مفعولهـا

وليا كتبت الشعر ما انقز سطر وارتب جمـل
والنـاس لا كافـل مقردهـا ولا مكفولـهـا

وليا اعترض بالدرب ابو وجهين ما يقفى همل
والحرب ما تطحن رحاها قبـل دق اطبولهـا

رسالة حمل جمل سـق الجمـل بمـا حمـل
يمكن يا حاتم ترتـدع نـاس تعـن خيولهـا

المصدر: الملتقى الجماهيري للشاعر محمد بن فطيس المري