لاجيت ابنسى ذيب صدري عوى لك

لاجيت ابنسى ذيب صدري عوى لك

بفارقـــــــــــــــــــــــــــــك

للشاعر/حمد البريدي
****

بافارقك .. لو كان ما اختـرت فرقـاك
...بافارقك .. وآنـا فرجـوى وصالـك


البعد لو به خير مـا كـان خـلاك ؟؟
....تقطع مـن عيـون المحـب اتصالـك

ما اكثرك فالصده وفالوصل ما اشـواك.
...الكبر لله .. ( لا يغـرك جمالـك ) !!

خليتنـي للبعـد .. والبـعـد قـسّـاك..
..خلاك تنسى واحـد" قـد وفـا لـك ؟؟


سليت سيف الهجر ؟؟ كني من اعـداك
.....وذبحت شوق الروح شاللي جـرى لـك


العام مـا تصعـب الـى قلـت بلقـاك.
....واليوم من دون المواصيـل هالـك ؟؟

منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟
.....لا جيت ابنسى .. ذيب صدري عوى لك


لو انك بترجـع كثـر مـا آتمنـاك ؟؟
.....ما كان ذا حالـي .. ولا ذا بحالـك ؟؟


كثر الجفا وآنـا أستغفـر الله اشـراك
....حبك كفر بي .. لعنبو من صفـا لـك


خذاك مني البعـد مـا عـاد بقـاك ؟؟
.....لكن علـى قـول المثـل مـش حالـك


تدري وش اللي يقتل الشـوق يـا ذاك.
...لاني بولد عمـك ولا ولـد خالـك ؟؟


الشوق برد .. ودافـي الوصـل لقيـاك
.....وثلج الجفا خـرب طريـق اللقـا لـك


علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك


تبغي تضيق خاطري جعلـه فـداك ؟؟.
....مهوب انا اللـي يعاتبـك فـي حلالـك


طلبتني قلبي وانا قلـت لـك .. جـاك.
....والحين سو بخافقـي مـا بـدا لـك ؟؟

المصدر: الملتقى الجماهيري للشاعر محمد بن فطيس المري

تسلمي قلبي
روعه اختيآارك . .
وصح لسآانه حمد

صح ذووووووقك يآلغــلآ

رآقت لي

يعطيك العافيه
تحياتي

اقتباس المشاركة الأصلية كتبت بواسطة الماسـه تسلمي قلبي روعه اختيآارك . . وصح لسآانه حمد

لاهنتي وصح بدنش على المرور الطيب

اقتباس المشاركة الأصلية كتبت بواسطة لـجـل آلــوعــد صح ذووووووقك يآلغــلآ رآقت لي

صح بدنش يالغلا ولاهنتي على المرور

اقتباس المشاركة الأصلية كتبت بواسطة ~ :: صمتـ الوداع :: ~ يعطيك العافيه تحياتي

الله يعافيك ولاهنت