ياشعيل ,,

ياشعيل ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله جميع اوقاتكم بكل خير وكل فرح وسرور ,,

اضع لكم مشاركه بأبيات بالرغم انها قديمه ولاكن نجددها في هاذى الملتقى ,,

وهي على حسب الطلب عليها واتمنى ان تنال على اعجاب الجميع ,,

يـاشعـيل زيف بسمـة الـوجـه تزيـيف=وجـامـل عـبـاد الله ولـو كـنـت محـتـاج
أصبـر وخـفـف ضيـقـة الـصدر تخفـيف=دام الصـبـر يـاشـعـيل يـقـفـاه الافـراج
وان كـان تشكي لي بزود المظاريف=وتنثي لي الشكوى على الطرس بالزاج
مدري عذابك من سموم العـواصيـف=والا مـع اهل الـطـب لـك قــســمة عـلاج
مـالك عن الـمكتوب مذهب وتصريف=كـم واحـد ٍ حظـه مـع الـوقـت مـنـعـاج
قبلك جـرالي في زمـاني صـواديـف=الـحـزن فـي وجهـي وفـالقـلب وهـاج
وسود الليالي بالسـعاده مـناكيـف=وادرج على نفسي من الضيـقه ادراج
وعيني حربها النوم ولاطاب لي كيف=حتى غدا حالي كمى سلك ديباج
أسلـي الـخـاطـر بروس الـمشاريـف=ولاني من الـضيقـات دالـه ولاسـاج
صـابـر وراجـي فـالليـال الـمـخاويـف=وعسى البـخـت يرقى مع الطير لاراج
ماطاب لي مرباع ولاطاب لي صيف=ورضـيـت بـالـواقـع ولاعـنـه مـخـراج
وأحذر من الي يجمعون السواليـف=أهل العلوم الي كمى صفـق الامواج
الرجل دايم عن دروب الردى معيف=وعن الوطى يرقى على روس الابـراج
من سابق الاجيـال عـبـره وتعـريـف=ناخذ مضـامـيـن الـتـجـارب والأنـتـاج
ولالي بعد شكواك عذر ومعـاريـف=في واجبي يـاشـعيل ثابت كمى سواج
حـالـي مـبدا بـعد كـل الـمصاريـف=وبـجـاه قـوم ٍ بـالـوفـاء حـازو الـتـاج
مـالي عـن الـواجب غياب ومحـاريف=انا مـعك ياشـعيـل في كل منهاج

وسـلامـة نـواظركم ,, خـالـد الـعبيـريد .

المصدر: الملتقى الجماهيري للشاعر محمد بن فطيس المري

خالد العبيريد
سلامتك من ضيقة الصدر ونا اخوك
وحلوه ابياتك ونت تجامل خلق الله على حسابك
ونت بالك وصدرك ضايق
صح السانك

خالد شاعر جزل وتنحت من صخر صح السانك ملايين
اعذب التحايا

حياك الله شمالي ,,

صح الله بدنك وصح قلبك وسلمت ولاندمت ياغالي والسالفه تعبير عابر سبيله ,,

خالص تحياتي وتقديري لك واشكرك على حضورك المضئ .

حياك الله يامبهذل الشعار ,,

شهاده منك على راسي من فوق يامبهذل صح الله بدنك وصح قلبك وكلك ولاهنت على حضورك المضئ ,,

لك شكري وتقديري ووافر احترامي .

صح لسانكـ.. وعلا شانكـ..
والله يبعد عنكـ.. ضيقات الصدور وجميع من شاهد..


كــــــل التحـايا لسموكـ.. اختك

حياك الله فراشه ,,

صح الله بدنك وصح قلبك وكلك ولاهنتي على حضورك المضئ ,,

خالص تحياتي وتقديري لك .

الله عليك يا خالد صح لسانك حتى ترضى
مع اني أكره المجاملة لكنها محمودة في بعض الأحيان
عساك دوم في سعادة ويبعد عنك كل ضيقة
اخوك عامر الشنيف

خالد صح لسانك للبد دائماً وانت على الموعد
لاعدمناك شاعر ولافيك حيله جعلك تدوم ويفدونك
الرخوم تقبل تحيات واتقدير اخوك سعيد ولاهنت

صح السانك اخوي خالد شاعر بكل المقاييس
اعتبرني واحد من جمهورك اطرب طرب لا قريت نصوصك