خُسران لا ولّت

خُسران لا ولّت

..



..



سديم من غابة احزاني ؛ ليـا غابـت
....................................وانوار من فلقة أفراحي ؛ ليـا ظلّـت
ريميـة سمعـت الرّمـاي ؛ وارتابـت
...................................توحّشت مِن وجس قناص ؛ وانسلّـت
في قربها والفرح ؛ في حاجري ؛ نابـت
..................................وفي بعدها العين بقنوف الجزع ؛ هلّت
نفسي لها طايبـة ؛ وبنفسهـا ؛ طابـت
...................................تصبر على زلّتي ؛ وأصبر ليـا زلّـت
ما همنا الناس ؛ وش قالت ووش جابت
...................................ليّ مشرع عندها ؛ وفصدري احتلّـت
عمق الصدارة لهـا ؛ متمركـزٍ ثابـت
...................................تزهر رياحين صدري ؛ كل مـا طلّـت
لو قالت الناس عنّا قـول ؛ واغتابـت
..................................ندري بسود الصدور ؛ اللي بنا ضلّـت
سود المفارق على ؛ تفريقنـا شابـت
...................................ماتوا عطش بالقهر ؛ و أرواحنا ابتلّت
خابت مساعِ الحسود ؛ وسيرته خابـت
.....................................أهل الحسد خايبة ؛ في ويـن ماحَلّـت
كنّ العواذل لنـا ؛ امنيـن ماعابـت
......................................تهدي لنا وصل ؛ فيـه قلوبنـا فلّـت
قولـوا لحسادنـا ؛ لـو مابنـا تابـت
.......................................قصتهـم الشايكـة ؛ بتمـوت ماحلِّـت
قلبي على ذكرهـا ؛ متبستـنٍ رابـت
....................................وذكري ليا سمعته ؛ حيّت بـه وهلّـت
لاضيّعت مَن سواها الحق ؛ وأنعابـت
.....................................ماجنّبت من دروب الحـق ؛ وأندلّـت
معقول حزني عليهـا ؛ كُـل ماغابـت
...................................هاذي ؛ ومن مثلها ؛ خُسـران لا ولّـت


..


..



م.س.

المصدر: الملتقى الجماهيري للشاعر محمد بن فطيس المري

قصيدهـ ثريه بالدرر ..
ابيات تتشاطر الجمال ..
وحروف تزهو بكل الابدآع ..
صح لسانك ع القصيده الرائعه
تحيتي والورد ,,,

صح لسانك على هالقصيدة التي في غاية الجمال
وكانت الحبكة الشعرية في غاية الروعة









تقبل مروري

صح الله الساااانك وانا اخووووك

الله عليك يامحمد صح لسانك وعظم الله جانك أبدعت بهذه العظيمه .. لاحرمنا جديد طرحك .. شاعر جزل ولا فيك خيله \.. لك تحيه نقيه ..كنقاء ..قطرة مطر

الله الله


صح لسانك يالغالي


لاحرمنا جديدك


تحيه تليق بك

الله الله

صح الله لسانك واعتلا شانك وعساك على القوه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]












[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الصح السان الشاعر
ولاهنت على النقل
التقبل: التحياتي

.,
. * .

طرح جدآ رآئعه
يعطيك العافيه
ودي
.,
. * .