دن دن دنلي

دن دن دنلي

أه يالحزن القديم اللي عرضلي قلّي = بعد موت الحلم في سجنك وش اللي جابك ؟!
لك ثلاث سنين مانحني الجفا يا خلّي = والمشاعر نارها توقد وانا احطبها بك
أه يا مقسى الغرام اللي معا متسلّي = كل ماشدّيت بنصابه فلت بنصابك
كل ما دن دن حزين قلت دن دن دنلّي = ربما تقوى معي وانا بعدك اقوى بك
صرت في وجه المشاعر غاوي مندلّي = يوم لي قلبٍ بليد ويوم يتغنابك
لين جيت اتجرجر الخطوة وتهزم ظلّي = تتهمني وين ياللي ناكر لاحبابك
الله أكبر منهو اللي قد نكر في حلّي = يشهد الشارع وحيّك كْمّ اغازل بابك
إسأل الأطفال في الحارة وتعرف مالّي = صار نجم في سما حيّك ولا قد غابك
مات في طين انتظاري مالحسايف فلّي = ماقبل تربة نبات غير طين ترابك
ودّي احكي لك عتاب مايبين ذلّي = من شفاق التوتة اللي ترتشف عنابك
طحت من عين العتاب اللي توسد غلّي = اجمْع اعتابي قهر واجي كذا واهابك
لا ترجع قصة المغزي مع المحتلّي = ودّي أكافي ولاكنّي خِشيت أرهابك
أتمنّع والمواجع في غواك تهلّي = نسيت ان ميلادها دوّن بحبر احرابك
ماتذكّر سهمك اللي في الظهر مدلّي = يوم انا اجحد طعنتك واجيك واتحيابك
بعد ماضمدّت بي جرحي ورحت مولّي = جيت تنفخ جمرته وتقول حبّي جابك!

المصدر: الملتقى الجماهيري للشاعر محمد بن فطيس المري

صح لسااانك

حجز 1 للهرم الكبير ولي عودة للقصيدة الجميلة

شاعر وشهادتي فيك مجروحه
وقصيده رائعه تسلم يمناك
لاهنت

سلمت يمناك
الله يعطيك الف عافيه
بانتظارجديدك بكل شووق
ودي لروحك**

ماتذكّر سهمـك اللـي فـي الظهـر مدلّـي

يوم انا اجحـد طعنتـك واجيـك واتحيابـك

بعد ماضمدّت بي جرحـي ورحـت مولّـي

جيت تنفخ جمرتـه وتقـول حبّـي جابـك!

صـــح لسآآآنك ,,أبيات قمه في الروعه

بانتظار الجديد .

تحيآآآتي.

صصصح لسسسآنك
ملآآآآآيين
أبدعت بحق
لاعدمنآآآآ بوووووحك
جزيل الشششكر.,,

محمد السالم

قصيده راقيه من شاعر غني عن التعريف

سجل اعجابي الشديد بنصوصك المختلفه

تقديري واحترامي

ودّي احكـي لـك عتـاب مايبيـن ذلّــي

من شفاق التوتـة اللـي ترتشـف عنابـك

محمد السالم شخص شهادتي فيه مجروحه وسبق وان ضغطة على مؤشر قوقل وعرفه

ابيات قمه يامحمد اتمنا لك التوفيق والنجاح وتمنا ايضاً لك الظهور بالاعلام لن شخص احب له الخير

تحياتي لك اخووي مررت

انت شاعر جميل يامحمد السالم

وتملك نصوص لا يملكها الا انت

مرحبا اخوي محمد ...

أنت للامانه من الشعراء اللي نفخر بتواجدهم في الساحه الشعبيه ..

وبأذن الله ما تنحرم الساحه ممن اللي مثلك وشرواك

نصوصك دائماً ما تطربني وصياغتك نادره ولا يتقنها الا انت ..


في وقت قريب بأذن الله سيكون هناك ديوان صوتي للشعراء المميزين في هذا الصرح

وأنا متأمل منك ومن الاخوان الموجودين كل جميل ..

سندعم اللي مثلك وشرواك وبأذن الله ماتشوف الا الجميله واللي تستحقه بكل تقدير ..


لاني معجب بحرفك ومتابع لك من بعيد ومن قريب .. ولا يهون الجميع ..


لي عوده في مووضوع مستقل خاص للي مثلك وشرواك


تقبل مروري وصح الله لسانك ولا هنت

أخوك

أبو مشششاري