سعودي كام شات صوتي شات حبي شات صوتي شات غزل شات بنت ابوي شات غرور كام شات سعودي كام صيف كام شات دقات قلبي
الملتقى الجماهيري للشاعر محمد بن فطيس المري - عرض مشاركة واحدة - { مميز } قصائد في الشاعر / محمد بن فطيس
عرض مشاركة واحدة
#1  
قديم 10-20-2010, 03:02 PM
فيصل بن عبدالعزيز
عضو ذهبي
فيصل بن عبدالعزيز غير متواجد حالياً
الاوسمة
المركز الاول 
لوني المفضل Cadetblue
 رقم العضوية : 760
 تاريخ التسجيل : Oct 2010
 فترة الأقامة : 4913 يوم
 المشاركات : 360 [ + ]
 التقييم : 26
 معدل التقييم : فيصل بن عبدالعزيز على طريق التميز
بيانات اضافيه [ + ]

الاوسمة

افتراضي { مميز } قصائد في الشاعر / محمد بن فطيس



مميز قصائد الشاعر محمد فطيس

الإدارة
مميز قصائد الشاعر محمد فطيس



الشاعـر / حمد بن فطيس والد الشاعر


ماتوصى يا محمد فـي اخـــوانـك @ دام جنحان العقاب اللـي تشلّـه
هم عضودك لا تهاون بك زمانك @ يثبتون وغيرهـم يخلـي محلّـه
من تهاون في مقام اخوك هانــك @ لو يعزك من يحقر اخـوك ذلـه
ومن يخون ابهم على ماقيل خانك @ دونهم لا تجعل الاقصيـن أخــلّـه
حاجتك منهم تجيك الـــــى مكانـك @ كنهم لـك ظـل ظلعـان ٍ مطلـــــه
انت بالنسبه لهم ياعظـــــم شانـك @ انت مثل حجاب بيت وهم (لخلّه)
ليّن الجانب لهم والجم احصانــك @ الجفا كثره على الصاحب مملـه
ومدهم بالعون كـان الله عانــــك @ غيث غيرك شاربك ماهو يبلـه
واهدهم للدين يوم الديـن زانــــك @ ومن جهل منهم طريق الخير دلّه
ليّن الجانب وعطهم من حنانــك @ واستمع منهم وما يلهيـك خلـه
انت عقلك بك وفي راسك عنانك @ قد صقرتك لين صدت الصيد كله
شايف ٍ لطفك وتكسيني حسانــــك @ ماتغيّـرك الليـالـي والاهـلّـــــه
بارك الله بك وفي باقي اخوانــــك @ كلكم من ساسكـم سلـه ودلـه






الشــاعـر/ مبارك آل خليفه


بالله واصل يا المحيـط الهـادي .. وقزّم عبيـد النظـره الفوقيّـه

يا اخير من مثل قطر وشعوبـه .. واكبر فخـر للساحـه الشعبيـه

عليك بالمليـون واليـا جبتـه .. (ف)ابرك شهر وابرك زمان ونيّه








الشــاعـر/ محمـد السليس العتيبي


لله در ابـن فطـيـس شاعر من الوزن الثقيل ... ينظم من الدر النفيـس ومليون في حقه قليـل

اعوذ بالله مـن ابليـس شاعر يجيب المستحيل .. عروس والمري عريس يملك عليها كـل ليـل








الشاعر/ ضيدان بن مترك


على طول بآصوّت لِخِي محمد إبن فطيس ...وباكرر التصويت وآحطِّم ارقامه

علي الطلاق اني ماحاتي من التفليس ...وهو في قبايل يام يشتد بحزامه







الشاعـر/ محـمـد بن فـروان اليامي


يقـولـون للملـيـون شـعــار يـــا شـطــار
وانـا اقـول مـا غيـر السمـي لاق لــي شـعـره

سلامـي علـى ابـن فطيـس مـن جملـه الشـعـار
ســلام يلـيـق بـمـبـدع الـبـيـت والـفـكـره

لـك البيـض يابـن فطيـس تبـنـى بـكـل ديــار
تعسـف القصايـد عسـف مـن يعـسـف المـهـره

لـك الله تعـدت بنـت صوغـان فــي المضـمـار
تـعـدت ونـالـت سمـعـه الطـيـب والـشـهـره

سطـع نجمهـا مـن شـط بـغـداد لـيـن سـحـار
ومـن غـرب جـده ليـن عـدى عـلـى الـوكـره

فانـا اشهـد شهـاده تـاصـل الـعـد دون غـبـار
ليـا سلـمـت اهــل الــذود ولا مــن الخـبـره

عـسـى الله ينجيـهـا مــن الحـاسـد الـمـكـار
وعسـى مـن نواهـا بـالـردى ينكـشـف سـتـره

لـك الله يابـن فطـيـس فــي لعـبـه المقـطـار
نشـوف العجـب يــا صاحـبـي مــره ومــره

فـلاحـدن يـلـوم الـذيـب لاهــج دون انـــذار
خذاهـا بـراسـه قـبـل تـاصـل عـلـى جـبـره

لـو انهـا علـى جـزل القصايـد بــدون سـتـار
فـلا شفـت ولـد سـرور عــود عـلـى وكــره

ولا شفـت ابـن ساقـان فـي حـامـي المـشـوار
طلـع والسـبـب قـالـو عـلـى غيـرنـا تـشـره

ولاشفـت منهـو وسـط لـنـدن نــوى الاسـفـار
وودع بــلاده مخـفـي شــي فـــي صـــدره

ومعـهـم كثـيـر عــودو كاسـبـيـن الـكــار
عددهـم كــذا كــم زود رقــم عـلـى العـشـره

ومنهـم شعاعيـر تحـسـب انــه طــق الـطـار
ونـاس تشـارك تحـسـب الشـعـر مــن جــره

الا ليـت مـرضـوخ القصـايـد يــروح شـهـار
علـى شـان تسلـم ساحـه الشعـر مــن شــره




الشاعـر/عبدالله بن صالح البناء المــري


بسم الله أبدا وأبدع القيفـــاني
واللـه يعافيني ولا يبلاااااني

اليوم بدعي ما يشـابه بدعي
متسلطن ٍ جـدا ً علي شيطاني

سلطة طنـا .. ماهيب سلطة خيبه
قلـته .. ويا جعل الردي يفداااااااني

أعسف شياطيني .. وأداري قولي
من خوف نقاااال الحكي يقفاااااااني

ذي عادتي وإن كان ماهي عاده
اللـه يعاقبني ولا يحماااااااااااااااني

ذي عاااادة ٍ وأخذتهاا من ربعـي
واللـه يطول عمـر من ربااااااني

ربعي هل الطولاااات مابه شـِكـّه
إمزبنين المنكسـر والجااااااااااااااني

على العدا علقم .. وشر ٍ منـزل
وعلى الرفيق .. أحلى من الوِداني

تشـهد لنا دااااار ٍ عجـز يقربها
لا مسلم العالم .. ولا النصراااااني

آلاااد مـرّه هم عصابة راسي
والصلب يامي والفخـذ غفراني

اليوم يالمرقاااب أنا متعنصـــر
ومجهز ٍ درعي وسرج حصاني

من دون ربعـي لو أقطّع روحي
ما همــّني عرررقي ولا شريااني

ومن لا احترم ربعـه جفوه اصحابه
ومن لاا يدسـّم شاربـه ما باني

كـل ِ وأخـذ حقــّه بوقت ٍ فاايت
والشاهد اللـه كلكم إخواني

وما دامهاا يالمسلمين إحميــّا
لا صاح يامي تعتــزي نجراني

عجميـّها يدخل على ياميهـاا
كل ٍ يقووول إن المـدى ميداني

اليوم يوم إبـن فطيـس المــري
يستـاهل محمد رفيع الشــــاني

عزاه يا رقمي على الفــاتوره
ما عـاد لي شــف ٍ على خلاني

ابفصله عشـــان عين محمـــّد
وعشان عيـن ٍ تكررم الاعياني

أنشهــد إن الاجووودي يستـــاهل
والا العمـر وإن طاال والله فاني

يالمنتدى حطـّوا بـِنر لـــ محمـد
من حقي أطلب حقــّي الوحداني

حطــوا بـِنر على مقاام محمـد
لايـق عليـــه وموقفـه إنسـاني

حطوووه بأعلـى المنتـدى لاهنتوووا
إما بـطيب .. أو بالدراهم عاااني

حقي على حبيـّب وكل اعضااءه
تصمييم واحد لاااايق وملياني

يستــاهله ذااك المحيييط الهاادي
اللي بوسطــه لولو .. ومرجاني







الشــاعـر/ علي ال دريـميح


قواكم الله باهل الطيب بالخير00وش حالكم يالابتي والمعونه
امابعد.باسوق جزل التعابير 000من هاجس(ن)مايتفق والمهونه
وكلن دلى دلوه على جمة البير000ورجل(ن)بلا لابه اتشتت اظعونه
ومحمد ابن فطيس في الجبهه امغير000وان كان خلان الرخى يتركونه
فلا اختفو ربع الرخى خير ياطير000مادام ربعه في المواقيف عونه
يبشر بنا ويسوق جزل التباشير000ويرقى بنا العليا ويشهر امتونه
حنى اربوعه في اليال المعاسير000هل ماقف(ن)كل الملأ يعرفونه
يوم الحميا في اتفاق الطوابير000طابورنا يقصر هل الشر دونه
وذلحين ساعة حمد خير وتياسير000فظل(ن)من الي امته يرتجونه
وقد الحميا باتفاق الاشاوير000وربعي كفو والظن مايخلفونه
وتكفون ياربعي ومن دون تأخير000تصويتكم للقرم لاتذخرونه
وترى الهدف ماغير حرف(ن)بتسطير000الى قناة ابو ظبي ترسلونه
لاتحسبون ريال ولاّ دنانير000المال مايخلد لمن يجمعونه
ومن كان في محمد يحسب المخاسير000يالله جعل فقره يحّفر اعيونه







الشــاعـر/ فهد بن حمد بن صويليح الهتيلي المري


يا شاعر المليـون مسيـت بالخيـر000برنامجك غطى على كـل الأقمـار
مضمونه اللجنة وصوت الجماهيـر000وعنوانه الميـدان مـا بيـن شعـار
والله فرق بين الهلـل .. والدنانيـر000والفرق واضح لاصبح ايمين ويسار
ومن يبغي المعنى وزيـن التعابيـر000عليه : بابن فطيـس لـراد يختـار
شاعر يفوق الوصف في كل تصوير000وزود ٍ على ذا من هل العرف والكار
ابيه .. وجده من جبـال ٍ مشاهيـر000بياطره وان كـان للشعـر بيطـار
ومتسلسل ٍ من رووس قوم ٍ مناعيـر000تعرف مجانيهـا مواكيـر الأحـرار
صبيان الأبحح .. لا لتقن الطوابيـر000وشبت فتيلتها .. وعج الرمـك ثـار
أبشر بفعل ٍ مثـل فعـل المعاصيـر000يجتث رووس القوم ثم يخمـد النـار
وماقول فيهم : من فعل سالم الزيـر000أقول : بن الزير مـن فعلهـم غـار
تاريخهم يعـرف ولا فيـه تقصيـر000العزوه اللي تكرم الضيـف والجـار
وقدام .. لاختم هاضني تالي عصير000غرون سبى حالي وانا منـه محتـار
واونس بصدري مثل ضرب المناشير000عزي لـبن صويليح كان الزمن جار
رد البرى يابوحمـد وادبـل السيـر000الضيقة اللي مرتك .. جات تكـرار







الشــاعـر/ محمد بن هادي آلـ بخيته


اليوم ماهوب يوم اقدع تنفجل000بكره ثلاثاء عقب ذا اليوم الاثنين
أرسل رساله عالاقل ثم توكل000ان كان ماتقدر وترسل ثلاثين
سفيرنا في الشعر قال وتجّمل000ولا بقا الا دورنا يالميامين
الذات تنبذ وأطيب الفعل يندل000ووقت الحميّا حل وأنتم مديحين
أنا أشهد انها فزعتن تلزم الكل000وحنّا لفزعة لابتي مستعدين






الشاعـر/ ناصر بن عبيد الودايع


اظغط على ارسال الرساله وسجل000رقم ثلاثه واربعه بس رقمين(34)
واعطيك رقم المستلم لاتعجل000من فضلك ارسلها على الرقم ذلحين
تسع اميه وتسعين رقمٍ مسجل000قدامها سجل اثنين وثمانين(82990)
نفعة بني عم الصبي ماتوجل 000من لانفع ذلحين مافاد بعدين







الشاعـر/ راشد بن عامر ال طفله

يامحمد أرقى سنود وماقفك عالي000والله يجملك من فزعة رسايلنا
ولا أنت لو بالقصايد تحتمي التالي000والله ونعم وكفو بك ياممثلنا
والله مادام فالجوال الأرسالي000يالشركه أن تشتكي من كثر ماأرسلنا



الشاعـر/ هندي بن ناصر ال هندي


يستاهل الصوت منهو في العلى العالي 000محمد اللي بتمثيله يشرفنا

وفعالنا لاصطفق جالن مع جالي 000نقدم على القوم ماوالله تهاونا

مريه انجبت شيخان ورجالي000دزو الرسايل وهذا يوم وقفتنا






الشــاعـر/ ناصر آل مرعي

يامرحبا عد ماقد هل همالي000بكل منهو على الايميل راسلنا
يستاهل ابوحمد موقفكم الغالي000وانا ترى مفرح قلبي تواصلنا
قصيدكم يالنشاما يشرح البالي 000وفزعتكم تعلم اللي كان يجهلنا
ولاهي غريبة على ذربين الافعالي000موقف مشرف لتالينا مع أولنا
مرية لاشتبك رجلي وخيالي 000عزي لمنهو نهار الهوش قابلنا
ماهو بهرج نسولف به على الخالي000حنا جمال إلى ثقل الحمل شلنا







الشــاعـر/ ناصر بن عبدا لله آل مرعي


اللي مايرسل عند ربعه تخجل000لوكان طيبه مايل بالموازين
لوانه من أول عزيزمبجل000اليوم يصبح من حساب الرديين
قلته وفارسنا حشا ماترجل000مادام ربعه كلهم مستعدين
يامرسل الرقمين بالله عجل000ماباقي دون الوعد كون يومين







الشــاعـر/ ناصر المرعي


يبشر بعزه عريب العم والخالي 000الفارس اللي على الساحة يمثلنا

جاته رسالة ضميري قبل جوالي 000يستاهل قلوبنا معها رسايلنا

واللي بخل بالرسالة ماله الوالي 000ياجعله الفقر من يبغى تخاذلنا

حييت ياللي بديت بزين الامثالي 000ابشر ويبشر وحن نفعل الى قلنا

اترك صبين مهو يفعل الى قالي 000لانبغي انعامله ولا يعاملنـــــــا

ومن لانفع في الصغيره يابري حالي 000لاكبرت المشكله والله ان يهملنا








الشــاعـر/ عبدالله ابن شايع القحطاني

يالله تغفـر زلتـي كـان زلـيـت واغفـر ذنوبـي يارفيـع الجلالـي
ويالله تحقـق منيتـي لا تمنـيـت وتجعل نصيب من جزيـل الجزالـي
ومن بعد ذا جزل القوافـي تغنيـت قاف (ن) جزيل مايجيـه اختلالـي
تستاهل المليون ياشايـع الصيـت يارعي الفزعـات جـزل الفعالـي
فزعت بن عمك ولضيـف غديـت فزت مراجل فـي قـدوم الرجالـي
ترحـب بضيفـك ترحـب وهليـت يلقاء شحم ,, طيب ,, وصفر الدلالي
على العلوم المراجـل قـد تربيـت ربـاك منهـو مايدانـي الخمالـي
وفوق الرواسي بالمكـارم تعليـت مكان جـدك فـوق روس الجبالـي
وان اشهد انك يابن مـره تعزويـت في لابت (ن)ماهي تهـاب القتالـي
وفي شاعر المليون ياذيـب وفيـت وافـي ولا خليـت لاحـد مجالـي
وصوت يابن فطيس خمسين تصويت ان فزت بالمليـون باخـذ حلالـي
وان كان ربي ماقسم لـك ورديـت ماني مخلي مـن حلالـي ريالـي








الشــاعـر/ فواز بن حوف


العرق مينا والبحر ..... ضخ دمه = والصدر وادي والشجن سيل طامي
ومن لا تثوُ ر موجته لابن عمه = ماهو بهمداني ولا هو بيامي
كم سد مبطي سيل ربعي يدمه = وكم قرن بالتاريخ من يام دامي
فزعاتنا لا جا نهار الملمه = تشهد لها الارض ويرد الغمامي
نشري المراجل والقنا .. مانهمه = وارواحنا باسم المنايا تسامي
راياتنا تشمخ على كل جمه = وصفوفنا وحده تفك الزحامي
يايام . ياهمدان . صفو المغمه= طير العزاوي في سما العز حامي
نبغى نشرف غمرنا في المهمه = ونرز بإسمه فوق فوق الاسامي
لانه جدير بها وعزه بكمه = والنصر ثوب ٍ فوق الامتان سامي
وياللي عزاوي صوت ربعه تزمه = وتغيُبه ويشوش راسه شمامي
لا بد من مانشرب من العد جمه = واللي ينافس لازم يروح ضامي
ونعلم اللي باع في الحكم ذمه = ماينفعه نقده وكثر الكلامي
والشاعر اللي عز ربعه يعمه = عند الحميا بالشعر مايلامي
حق ٍ علي ابدا قصيدي واتمه = والنصر والمليون من حظ يامي







الشــاعـر/ راشد الحميدان المري

ابن فطيس يقول ويـن الجماعـه *** وين اصدقاي اهل الفخر والمفازيع

الرجل مايقدر يرفـرف شراعـه *** ألاّ بفزعـة مبعديـن المراميـع

رجل بدون اصحاب تقصر إذراعه*** ياصحابنا تكفون جـات المنافيـع







الشــاعـر/ علي الجمعان الغيثاني


لمحمد ابن فطيس بالـذات فزعـات*** من روس يام امروييـن السلايـل

يحرق لنا المسرح ونحرق له الشات*** مانبغـي المليـون نبغـي الاوايـل






الشــاعـر/ حمــدان المــــري


تكفون يا آل مرّه كعام المعادين 000 يا أهل الفخر وأهل السيوف الصقيله
إن ما تكاتفتوا على العسر واللين000في ذمتي إنها وصم عار وفشيله
وأنتم قبيلة عز روس السلاطين000اللي إلى ثقل الحمل ترتكي له
ذ ألحين قوموا يا المطلاليق ذ ألحين000قوموا مع ( إبن فطيس ) بـأية وسيله
محمد ابن فطيس شاعر ملايين000واحد وبلحاله يمثل قبيله
الكل يكتب لـ( أربعه والثلاثين )000 ويركي على التصويت ويشد حيله
وإلى كتبها يحطها بين قوسين 000ويوصّي ربوعه ويكمل جميله
ويا ( أهل قطر ) تصويتكم يعتبر دين000مثلكم اللي يستحق الجزيله
ويا اهل الجرايد والصحف والعناوين000علم قطر في كف من هو يشيله ؟
إلى لهيتوا عنه ما حن بلاهين000وراه لين يذب راس الطويله
ويا ( أهل الغويبه ) عزوتي في الميادين000يا نصرتي لـأشتب راس الفتيله
إلى اجتمعتم كلكم في الدواوين000كلٍ يصوّت لين يفنى حصيله
حلفت ورب البيت وأخواني اثنين000نرهي على التصويت في كل ليله
( محمد ابن فطيس ) شاعر ملايين000واحد وبلحاله يمثل قبيله




 توقيع : فيصل بن عبدالعزيز




آخر تعديل ,, عسـّـاف ,, يوم 10-22-2010 في 05:58 AM.
رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69