الملتقى الجماهيري للشاعر محمد بن فطيس المري - عرض مشاركة واحدة

#1 01-15-2011, 05:48 PM

سـلام يابـيـت ٍ فـقـد زول غاليـه ..
واللي مضى ماهو على الهجر ضاري ..

واليوم مابه من يـرد الخبـر فيـه ..
غير الهبايـب مخفيـات الأثـاري ..

عز الله إن البيت لا غـاب راعيـه ..
تبدي عليه مـن المغيبـه مـواري ..

والـيـا قـرنـت اول زمانـه بتاليـه ..
هلت دموع العيـن منـي جبـاري ..

ويطري علي شـي مالـي بطاريـه ..
والقلب ماتشويه غيـر الطـواري ..

هذا زمان اقشـر و شينـه مباديـه ..
جدد علي الجرح والجـرح بـاري ..

جرحا ً من أحداث الزمن كنت ناسيه ..
واليوم عاد الجرح واخلف مساري ..

ماله دواء ينباع حتى إنـي أشريـه ..
ولا ينوجد في سوق بايع وشـاري ..

لـو ان جرحي لـه طبيبـا ً يداويـه ..
غير اعرضه لاقرب طبيب استشاري ..

واقول له جرح الزمن ويش يبريـه ..
مدامك عن طـب المصابيـن داري ..

ان ماحصل لك دلني وين الاقيـه ..
وان ماحصل طبي قريـت انتحـاري

ملطووش

المصدر: الملتقى الجماهيري للشاعر محمد بن فطيس المري