ياخالد عبيريد شد التوازن=خل الذخيره فل عب المخازن
والله يستر لا تجينا هوازن=من لا تقاضى حي يقمح ليا مااات

يا خالد عبيريد شد الحيل شد=حتى نشوف الاوله والتاليه
وان كان ما يعجبك يارجال شد=من لايذوق المر ماكو حاليه

بيني وبينك يالمطيري قوانين=وليا جهلتوها ترا الناس دارين
حق وحقوق اجواد ماحنا بناسين=الله يعز المملكه ويحمااااها

اللي على خاطرك يارجال بد=ماقول لك فرصه سعيده باليه
اقدم وتلقاني على ذاك الوعد=الله يعين الرسل والمرساليه

يوم انتصفنا ليل جات المواويل=لليل والطاروق صب الفناجيل
والعذر ما يملا بطون الرياجيل=من لاتقاضى حي يقمح ليا مات

القاف له مبنى وله ساس وعمد=وليا اختلف مبناه شكله ماليه
والفرق من يخطي ومن يقصد عمد=ويبين للعربان بالافعاليه

يا محمد المارد بعيد وقريبي=وانته على المارد عدو وصحيبي
لابد ناصل قبل وقت المغيبي=والله يعز المملكه ويحماااها

ياعيد وان جينا قبل عيد وسعد=لابد ما ينصف لنا الشياليه
اللي شقى عقب الشقى شفته سعد=والغاليه عادت وراها غاليه

كلي على الميراد عزم وبتوعي=ادحم بجنبي ماتلين الضلوعي
واللي يعارضني ندفته بكوعي=من لا تقاضى حي يقمح ليا ماات

خابرك يارجال ف الميقاف ند=والنفس بالخاطر تراها ساليه
والعوالازرق ما يحالي عود ند=لو انها تتشابه الاشكاليه

والله مانبغاك تحرق ضميرك=لكن فكر ويش تالي مصيرك
خسران ثم خسران من يستشيرك=الله يعز المملكه ويحماها

العام انا قلت الك لا من جبت ود=واليوم اشوفك في ديار خاليه
ماعاد لك فيها نصيب دون ود=يا ساريه مخراج عن مدخاليه

انا ضميري داله ومستريّح=والسد ما والله على الناس ابيّح
لو كان عينك من خفاا تبيّح-من لا تقاضى حي يقمح ليا مااات

كديت حالك بالعنا وش فدت كد=اتعبت روحك والليالي باليه
مار استرح لا تبتلش والراس كد=واكو الشماغ اللي علاه عقاليه

قلتو وقلنا والحقيقه تراها=ماكل شخص قدم عيني قراها
الاوله راحت والاخرى وراها=والله يعين الصبر الله يعينه

يا محمد البداي لن قمت استعد=حبل الجمل مع راعي الجماليه
اللي ملك سر الليالي استعد=ماعاد فيه عم والاخاليه

لا قلت لك قولي تسمع كلام=ماني مصلي وانته اللي امامي
النور يجلا ك غبس وظلامي=من لا تقاضى حي يقمح ليا ماات

ان كان من حشوك عن المظهور فد=رده ولا تصلا علاه الصاليه
وليا سعيت السعي قبل تظوف فد=وليا نزلت اختار ف المنزاليه

انته تقول ولا علانا من القول=مثلك ليامن قال في شك معقول
مالك صلاه ولا فعل صار مقبول=الله يعين الصابر الله يعينه

الحشو عندك من ثلاث سنين جد=عيت تبين وتعتلي ف العاليه
ياعمها لا تحترم من كان جد=انتم رجال للهنوف مواليه

اقول يا خالد عسى ما عدمناك=لا تختلط يمناك مع درب يسراك
والا على الكايد ترانا عسرناك=حتى فرح والمرشدي قالو اشعار

من لاتعزوا بالهنوف دهان خد=حنا نطلقها بطلق حباليه
وسناف تركي طرق والا حيد خد=هذي فعايلنا ذحاح وقاليه

يمنى السعد ما صابها ذ وعوق=العز الله كافلن كل مخلوق
وانا زبون الكايد بن روق=والله على ماقول شاهد وعالم

تال الزمن فيكم شجاعه يا ولد=مادري كلام دون زود افعاليه
سناف تركي خوفكم منه انولد=عسى بروق الغيث له متاليه

حنا عرفنا وق وتعرف عبّاد=اللي يصالون الحرايب على الماد
رضيعنا محشوم لو كان بمهاد=واللي بليا تبوت غالي ومجحود

مافك عمره يوم يبغى له سند=قام تيتعزوى روق يا عزاليه
هرج الصحيح اللي على متن وسند=وهندي قبل تركي بهاك الجاليه

روق تعرفهم في نهار الحرايب=يوم نحرو شيبانكم بالمصايب
وحنا عرفناكم بيوم الجلايب=والله يردك يالليالي والايام

اشداد فيصل وين يوم انه انفقد=فريسكم يوم انتصفو داليه
تركي وراه شيوخ تعدل بالفقد=مثل النجوم اللي عليكم طاليه