سعودي كام شات صوتي شات حبي شات صوتي شات غزل شات بنت ابوي شات غرور كام شات سعودي كام صيف كام شات دقات قلبي
الملتقى الجماهيري للشاعر محمد بن فطيس المري - عرض مشاركة واحدة - أروع قصيده في النصح والرفقه
عرض مشاركة واحدة
#1  
قديم 03-11-2012, 11:57 PM
فهد ثامر البقمي
شــاعــــر
فهد ثامر البقمي غير متواجد حالياً
لوني المفضل Cadetblue
 رقم العضوية : 6823
 تاريخ التسجيل : Nov 2011
 فترة الأقامة : 4513 يوم
 المشاركات : 1,157 [ + ]
 التقييم : 1182
 معدل التقييم : فهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud ofفهد ثامر البقمي has much to be proud of
بيانات اضافيه [ + ]
مزاجي:
افتراضي أروع قصيده في النصح والرفقه





بسم الله الرحمن الرحيم

السلام عليكم ورحمة الله وبركاته

قصيده لشاعر المعروف / مفرح الظمني المطيري رحمه الله
من اروع وأجزل القصائد النبطيه في النصح والرفقه


أنا رفيقي ما أسمع اللي حكابه
.................. لو جاتني منه السوالف مضاريع
أقرا مفاهيمه وأحسب حســابه
.................. وأشوف مدخال القدم والمطـاليع
ماني عجولٍ بالزعل في غيابه
.................. قدام ما أسمع منه معطي ولا أبيع
لا خــير في رفقه بليا حبــــابه
..................ولا خير في جمع القلوب المواجيع
ورفيقك الغالي تحـــمل عــتابه
.................. وإحـــلم عليه إليا دفـــعته دوافيع
شـــيع ثناه ولا تبيــن عـــيابه
.................. عــــاره يعورك يا بعيد المـارميع
وإن كان دون مرافقك صك بابه
.................. لقه قفاك وخل مشيك مع الريـــع
خـله على بعدك يســـرح ركابه
.................. يقضي سنه والا اشهورٍ واسابيع
وإليا طلبك الصلح يا مرحـبابه
.................. ساهـــل طــريقه لا يجيله موانيع
وإحفظ لسانك عنه واستر جنابه
.................. لا تجـــرحه بين الذياب المواجيع
تـــرى الســـان ملكعن يندعابه
.................. مثل الحصان اللي يبيله مصاريع
وإجعل على هرجن تقوله رقابه
.................. عقلن يصرف طايشات المواضيع
والصمت في بعض المجالس مهابه
.................. يكفيك شــــر اهل الفمي اللواسيع
عن كلمةٍ يقضب خطاها قضابه
..................يركض عليها مصنع الهرج تصنيع
خله يروح ومنك خالٍ اجــرابه
..................يرجع كما المفلس بسوق المطاميع
وإحفظ صداقة طيبين القــرابه
.................. ربعـــك ليا قلت علـــيك المشاريع
سيفٍ نهار الضيق تقضب نصابه
.................. ياقاك من حــدب السيوف البواتيع
واليا جفـــاك الدار مالك ومابه
..................رزقك على اللي طوع الكون تطويع
مقعدك في حزمن تطارد سرابه
.................. اخير من شــــوف الوجيه المدانيع
خطو الرخوم امصاحبين الخيابه
.................. تجــــار هـــرج وباللوازم كراسيع
الرجــــل مثل الذيب رزقه نهابه
.................. ياخذ مع الــــدو الخلاوي قــراطيع
والطيب ضلعن زامياتن هـضابه
.................. للريح في شـــامخ ركــونه ذعاذيع
عسر المراقي يتعب اللي رقــابه
.................. ما ياكره كــــود الحــرار القواطيع
وألآ الــردى جرفن هيالن إترابه
.................. حــــوله لزهران المجــافي مرابيع
يرقدبه الحـــصني ويلقا الذرابه
.................. والبوم بين اغصون قشعه مواقيع
رجلٍ على الناموس بيضن ثيابه
.................. ورجلن يرقعها على المتن ترقــيع
ورجلن يزايم عــلته مــن عذابه
.................. عــــيدان ناره للقــــريب مـــواليع
على ربـــوعه كــل يومن طلابه
.................. خـــماش وجــــه ولا لقيبه منافيع
ورجلن مع الايـــام ما ينصخابه
.................. عـــون الرفيق اليا دفـــعته دوافيع
غيثٍ على من جاه يمطر سحابه
.................. عشبه على روس النوابي مـفاقيع
ورجلن كما ليثن عطيبٍ صوابه
.................. من دون حقه سـنع الخصم تسنيع
طيب وعصمان الشوارب تهابه
.................. يرجى وتخشاه الرجال الصعاصيع
ومن لا درى بالناس محدٍ درابه
.................. ماله على ســـجل النشــاما تواقيع
ومن لا يحوش النعم فأول شبابه
..................في شيبته يحسب حساب المراضيع
وختامها ذكــــر النبي والصحابه
.................. وأستغفر اللي ما يضيع ولا يضـيع


الشاعر / مفرح الظمني المطيري رحمه الله






رد مع اقتباس
 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69