آلســــلآم
صبآح مسآء ..الخير والبركة


قصيدة لـ علي الكدادي

[ قلت لك آسف ]

......................................




......................................


قلت لك آسف وعنـي مارضيـت=
ويش اسويلك لجل ترضى علـي
كنت اجس النبض والله ماخطيت=
في دعابـه وانـت ودك تزعلـي
يامقفـي شكلـك لغيـري لقيـت=
وجات لك فرصه سببها ترحلـي
يامعنينـي ليـا منـك نـويـت=
بالرحيل اللـي صـداه يزلزلـي
ارفق بحالي ترى منـك اكتويـت=
ونار هجرك وسط قلبي تصطلـي
ماشكيـت الا لربـي ماشكـيـت=
( والله الوالي ولا غيره ولـي )
وماهقيت الصـد منـك ماهقيـت=
ارجـع وتذكـر كـلامٍ قلتـلـي
يومك اتـردد لبـو تمـام بيـت=
( مالحبُ الا للحبيـب الاولـي )
وين عهدك بالوفـا لا ماوفيـت=
وللمواثيـق القديمـه تجهـلـي
ضاعت عهود الوفا ياللي جنيـت=
والوفـا لهـل الوفـا ويجملـي
كنت اظنك مخلصٍ لـي مادريـت=
انـك المقفـي وغـدرك مقبلـي
كيف تنساني وانا اللي مانسيـت=
والله انـي فـي هواكـم مبتلـي
الخفـوق يفـز لامنـك طريـت=
وافطنوا فيني ربوعي مَـعْ هلـي
بعدكـم مابـه ولا يـومٍ سليـت=
وجمرتك وسط الحشا تغلي غلـي
ليت تدري وش حصل بعدك ياليت=
كان ماتهجر ابـن عامـر علـي

المصدر: الملتقى الجماهيري للشاعر محمد بن فطيس المري