توجاد عن الغربه !!
السلام عليكم ورحمة الله وبركاته ..
اعتذر منكم لاني من زمان ما نزلت قصيده لي ولاكن هذا بسبب ضروف دراسيه وعسا الله يوفق الجميع و آمل ان هاذي القصيده تنال اعجابكم و ذائقتكم الرفيعه ..
حظ منهو ما تغرّب عن دياره
بين شيبانه و بين عيال عمّه
ماشكى من كبد تونسها حراره
ولا شكى من خاطرً يايته زمّه
ياجودي وجد من ساق البشاره
جاه مولودً جديدً في متمّه
فرحته قـفّت عن المبسم خساره
بعد ما جاه الخبر في موتت امه
دق زوره ثم بكاء و اصدر قراره
وش حياةً بعد فقد اللي يضّمه !
وياجودي وجد شيخً به نعاره
طيّبً مافيه عيب ولا مذمّه
جاه طعنً بالظهر من كف جاره
راح عرضه والشرف للعبد ذمّه
دنّق براسه ، يمينه في يساره
يصفق الكفين من كبر المطمّه
وياوجودي وجد منهو شب ناره
في محبة واحدن ماهوب يمّه
من يحبّه حب ثاني و استشاره
ياصعب هذا السؤال وكثر سمّه
باح سدّه للعرب و انزل وقاره
والعيون أدموعها تملى لـ جمّه
سم حالي ي صبر وين الاشاره !
غاديً بي ضعف حيل و قل همّه
وسلامتكم ..
ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا
|
