رد: برق لمع بالعيون وخــفــت مواجع القلب توصلك ..!
/
ما ارتويت ! .. و عذق صبري ما ذوا
يلفحه امنْ الأمل نسمات نود
الليالي فالعمر .. ما هي سوا
و العمر لا راح .. لا يمكن يعود
و عذر راع ِ الحلم لا منّه نوا
النوايا بيض .. مير الطرق سود !
و لو طريقي ما خذلني و التوا
دون حلمي ما تلّمست الركود !
و من يقول : ابذل تجد .. ماله لوا
كم بذلت .. و لاوجدت الا الجحود !!!
دام راسي حي .. و يشمّ الهوا
لا آتحيزم بالعزم .. و ارقى سنود
و آتنفض من عناي .. و ما حوى
و آتجرع من ثقافات الصعود
وانت ياللّي لي .. و ل.ايّامي دوا
ما شبعت امنْ التجافي و الصدود ؟!!
انت .. ما قبلك .. و لا بعدك هوى
وانت .. ما لمْحبتك وصف .. و حدود
ما نسيتك .. لا .. و لا قلبي قوا
بيننا حلم .. و مواثيق .. و عهود
كلّ ما بارق طيوفك فيْ ضوا
حنّت اسماعي لدويات الرعود
ما ارتويت .. و عذق قلبي ما ارتوى
ينتظر غيمة مواصيلك تجود
و النّعم في عمرْ بالحزن انطوى
و ما عليك .. و ما على جفواك زود !
|
