رد: $& تميز بما شئت ولكن لا تتكبر &$
يافوادي شوف صدري من سنينه عليل
ـــــــــــــــــــ خف تكفى لا تحامل عليه وتذبحه
ما بقى في صدري الا تنهات قليل
ــــــــــــــــــــــــــ والهجوس اللي تدك الصليب وتطرحه
ادري انه صايبك طعنة السيف السليل
ـــــــــــــــــــــــــــ من يمين اللي تعده خليل وتمدحه
سل سيفه قبل لا يثبت الدعوى دليل
ــــــــــــــــــــــــــ و اغرسه في قلب منهو يحبه وجرحه
ما غبني غبنة تجعل الصاحي قتيل
ـــــــــــــــــــــــــــــ غير تصديقه عدو ٍ اذا مت أفرحه
صاحبي لو شفت دمعي على خدي هميل
ـــــــــــــــــــــــــــــ احمد الله لي يمين ٍ ترد وتمسحه
ما ترجيت الردي والمجافي والبخيل
ـــــــــــــــــــــــــــــ والصحيب اللي مع الناس لجل المصلحه
وانت والله لو تجيني على الذنب الجليل
ــــــــــــــــــــــــــــ لا ادمحه لو كان سلم الهوى ما يدمحه
محمد المري
|
