11-24-2012, 01:13 PM
|
#39
|
|
مشرف صدى الملاعب
|
بيانات اضافيه [
+
]
|
|
رقم العضوية : 5370
|
|
تاريخ التسجيل : Aug 2011
|
|
المشاركات :
4,828 [
+
] |
|
التقييم : 1927
|
|
|
لوني المفضل : Cadetblue
|
مزاجي:
|
رد: رشيديات ( شعـر )
.
الرجال تميّز الرجَّال من منطوقه
الشاعر/ بدر الحويفي
...
..
.
بالخريف وشفت لي نوٍ تلوح بروقه
الله إنه يجعله رحمة وجوه دافي
لو ينشي من مناشي والرياح تسوقه
نوب ماه يصير عذب ونوب ما هو صافي
والخيال اللي نخيله وامره من فوقه
عالم أسرار العباد ومطلَّع بالخافي
والحكيم اللي يفكر ما يجي به توقه
يتّزن بالعقل والحكمة وعقله وافي
بالعدالة والجزاله كلمته مرموقه
والغشيم يغره المرباع والمصيافي
إبرته عن فتق غيره ما تخيط افتوقه
ومن يشوف عيوب غيره فيه عيب يشافي
والبعير اللي يلَّفظ جرته بشدوقه
لو غدا كبر احلبان يعسفه العسافي
سو ظنه بالأوادم عن نحاه يعوقه
له تصور كل ساعة حذفت الحذافي
والبعوض يخوض بالماء والظمأ بحلوقه
له على الغافل هجوم ويسرع المحرافي
والشجر تيبس فروعه سوسةٍ بعروقه
والصخيف يقدر العالم عقول صخافي
ومن دخل مدخال ما يعرف فضاه وضوقه
مثل من يسري مع الظلما ونوره طافي
الغشيم يسابق العالم على المسبوقه
والثبار ايمل راعيها ويمشي حافي
يطرقه طول الطريق اللي عسار طروقه
والحمول إثقال وعقول الضعوف ضعافي
وكل شخصٍ يجهله حسن الكلام وذوقه
ذاك مثل اللي على أربع والكفوف ظلافي
معدنه عنده ذهب والكنز في صندوقه
وعملة الدرويش ما تمشي مع الصرافي
وإن تقدم للعميل بعملةٍ مسروقه
ناقشه عند الحساب الحاسب الكشافي
والبحر ما كل سباحٍ يخض أعموقه
والمناقع في مناقعها تلم السافي
والنخل لابد من طلع الحجف بعذوقه
والحجف وزنه خفيف إليا نقاه النافي
وكل نطقٍ ما يليق ولا يجيله لوقه
في سموع المستمع حلمٍ هذابه غافي
والرجوله والشهامه عادةٍ معشوقه
والتبجح والغرور أسلوب عقل ارهافي
والرجال تميز الرجّال من منطوقه
والشريف اللي يساير سيرة الأشرافي
الرجال بكل حاله طرقهم ماثوقه
والغشيم يعقّد أوضاعه وهو متعافي
ذا كلام اللِّي مع الطيّب يعرف حقوقه
والردي فقده ونقده بالزبيل إخلافي
.
|
|
|
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1
-
|
