02-23-2013, 10:02 PM
|
|
|
كثر التغلي مايفيد المواليف
كثر التغلي مايفيد المواليف
وكثر الجفا في سلم الاحباب مكروه
واللي رفعته فوق كل المشاريف
دامه يبي قاع البسيطه فخلوه
خلوه ينزل والمحبه على الكيف
ووالله ماني غاصبه لو غصبتوه
وياهل الهوى لا تغصبوني على الريف
جوي براس إطويق وانتم عرفتوه
وإن كانها وقفة على طبخة الشيف
فزاد ن بليا نفس يالربع شلوه
ولانيب ميت جوع دون المغاريف
بصنع جوابي كيف منتم جهلتوه
واعز نفسي عن سواة المعاريف
واهز فنجال ن من اول شربتوه
وماني على ماحب كلفت تكليف
من حبني صنته ومن خان علموه
باني بدونه فارس ن وبيدي سيف
وقربي شيوخ البيد ياما تمنوه
ولو بجماله فالعرب مابعد شيف
قولوا له اني عايفه لو صدفتوه
لشاعرها : سعيد الكناني
التصوير ..ايقاف لحظه من الزمن تبقى للأبد تغني عن كل الكلمات
|
