لاتغلــى ياحبيبي وانت غالــــي=يشهد الله وانت في ذا العلم تدري
لاني بضايق ولاني منك سالي=وانت وش مديت لي من جيت صدري
اه ياطول الصبر ياحر بالي=حافضٍ قدرك معي من فوق قدري
كاسبٍ طيب النقا من طيب خالي=خالي الي طايلٍ شبره وشبري
لا رحلت ارحل مراحيل الجمالي=المقفي ردته عيبٍ مضـري
وان رجعت اذوقك صفر الدلالي=بس مالك شغل في قلبي وفكري
ماهويت الا على بيض الفعالي=وماشربت امع العشاشيق اي خمري
كان به للحب منبع للزلالي=اسقني منه وعند الوالي امري
لاتعريني من اثيابي لحالي=كان ودك بالتعري لي تعــرّي
واشهد اني معك في مرٍ وحالي=لو جميع الناس في العشقه تهذري
ياحبيبي لاتغلــى وانت غالــي=دام حبي لك يسمــى حب عذري