سلامي للغرام اللي سكن ما بين ضلعينه =سلامي للعيون اللي تحب ولا شكت غدّره
سلام لقلبه الوافي سلام لروحه وعينه = سلام لطيبه اللي من سلالة طيب منحدّره
وسلام الله يالحنٍ يَزِينْ اليوم تلحينه = أشبه روعة المنظر بعصفورٍ على سدره
أعاند كل حسادي وأبيع الهم وسْنِينِهْ= طريق الشك مانصْله ورجلي عنه مقتدّره
أصوغ إله أعذب أبياتي وقافي بيني وبينه = وأقهويه الغرام اللي يضيّع همه وكدّره
ياعيني لو غلط مره حذار إنك تبيعينه =ومهما صار ياعيني أبد لا ينحني قدّره
وأنا برجاك ياعيني بحزنك لا تراعينه = غيوم الحزن لو غطت مدارك لا تجي بدّره
وكان إنك سمعتي به عذولٍ لا تطيعينه = كثير الهرج ما كفكف دموعٍ منك منحدّره
ولو شفتيه ياعيني يميّل لا تَرَجْيّنه= حلاة الشي ياعيني غلاته ثم في ندّره
أخافه لو رحل عنك بناعس رمش تدعينه =دخيلك لا تجيبنه إذا ماعشت في صدّره

المصدر: الملتقى الجماهيري للشاعر محمد بن فطيس المري