الملتقى الجماهيري للشاعر محمد بن فطيس المري - عرض مشاركة واحدة

#1 05-06-2015, 12:32 AM

تعال ياشعـر خـل المحكمـة تحكـم
ما دام كلـن عليـك مشمـر إذراعـه
قضيـة الشعـر ألا ياليتهـا تحسـم
ويمنع عن الشعر من لا يعرف أسناعه
ياشعر تالي الليالـي كأنـك الأسهـم
يومين فوق السماء ويومين في القاعه
بأسباب من هو بليا عـرف ويتمتـم
ومولع النـار فـي نفسـه بولاعـه
وأنا أعرف أن العرب ياشعر ماترحـم
لكـن مـازال لـك ياشعـر سماعـه
كم واحدن مبتليك يقـول أنـا بنظـم
أبنظم الشعر أجيـد الشعـر بأنواعـه
وهو ليا طب بحـرك صـار متلعثـم
معه السفينـة لكنـه فاقـد أشراعـه
واللي بلا موهبة في الشعـر لا يحلـم
الشعر سيل(ن) غزير صعب مقطاعـه
وألا على الشاعر الموهوب كالبلسـم
في كل شيءٍ يريـده الشعـر طاعـه
وكم واحـد ينقـد الشعـار مايفهـم
ترى الذهب مايعرفـه غيـر صناعـه
ينقد وهو من وراء الأبـواب متلثـم
تلقاه طول الدهـر ماينـزع إقناعـه
وأن شاف موهوب فوقه صار يتهجـم
ويقول هـذا علينـا كيـف مطلاعـه
ونقده على الشعر لا وخـر ولا قـدم
لكن عينه تبا تدمـع مـن إصباعـه
الشعـر ماينـقـده غـيـر متعـلـم
في المعرفة والمعارف طايل(ن) باعـه
والشعر عند العرب هو معجم المعجـم
في الوزن والكيل دايم عالـي صاعـه
وكـل القبايـل بهـا شعّـار ماتنـذم
والشعر موجود حتى تطلـع الساعـة
والآن ياشعر ابـى توقيعـك وتبصـم
لشاعر اللي على الجـزلات منباعـه
وياشعر أنا بخدمك مادام اللي تخـدم
أنا كما النجم وأنت مصـدر إشعاعـه
وصلاة ربي على محمد وأنـا بختـم
صلوا على المصطفى المختار وأتباعه

المصدر: الملتقى الجماهيري للشاعر محمد بن فطيس المري