حدني على اقصاي أخوي الغالي / ابو مشاري
وخلاني افل السبحه في أول حضور لي بينكم فتقبلوها من صدر شمالي
ماهيب اول ماقتلتي من افراح
................. ولا ظنها رايح تكون الاخيره
ياكثر ماجيتك ادوربك ارباح
................. وعودت شايل لي خساره كبيره
لا والله الا طاح صبري ومن طاح
................. ماعاد فيها ياشقا الروح خيره
من زاحني من وسط قلبه بينزاح
................. خله على وجهه ويلقى مصيره
وانا بعد بلقي مصيري وابرتاح
................. مع جادلٍ تطلع بحبي جديره
وقلبٍ تخافق به عقب هجرك اشباح
................. لابد ماتطفي لهايب هجيره
في جية اللي تنتقل بي للافراح
................. ماهيب الاولى مار تبقى الأخيره
