مستعد آقف بوجه المنتدى كلـــــه لحالــــــي=والمعاني لو تلد لغيري افقع عينها
الحجر يبقى حجر في السهل ولا في الجبالي=وكلمة الرجال عند الحق افدي دينها

يالشريف احزم حزامك وانت عارف كل حالي=كان لك عقل وبصيره هاتهـا فـي حينهـا
الرضيه سلمكـم يأصحـاب فـالاول وتالـي=ميـر ميـز فالكتابـه زينهـا مـع شينهـا

مرحبا بك يالعتيبي وانت لاتعقد حبالي=عاد نفس الطيبين يصد منكم دينها
الرضيه سلمكم وش بك تدور للقتالي=نرضي الله والعباد الي تمد ايدينها

بارك الله فـالرجال الي ترحب بالرجالي=لو حيكم الراي يجهـل نيتـن ناوينهـا
يامحمد ماقبلناها علـى وزن الثقالـي=وانت تدري مانحب الي عليك يهينهـا

انت مدري ويش تبحث عنه في سود الليالي=ويش علمك والعلوم الله يعينك عينها
انت في نفسك علينا شي مافيها مجالـــي=يوم انا لك شحمة ببيضا على سكينها

ماندور للهزال اقول عينـي فالجزالـي=لو بلاد الغرب تجحد سالفـة برلينهـا
الله اكبر والسوالف بيينا دايم طوالـي=والضيوف حشام بالواجب ترى مقرينها

انت لاتحكم علينا والهزيلــــه للهزالـــــي=ابشر ابشر بالسعد والطيب واسكن بينها
انت والله راس مالي انت والله راس مالي=والسوالف كلبوها قف وامسك زينهــــــا

الشهامه عند عمي والكرامه عندي خالي=والمراجل في يميني والضعوف اعينهـا
الحقيقه واضحه والناس واجد لاتبالـي=والعروبـه ماتغيرهـا زلازل صينـهـا

انت ماتبغى المراجل انت رجلٍ ماتبالي=والديار الي تبي يارجل حن واطينها
مانقلل في الرجال ولانهين ولانغالي=حاسبين حسابها ومن الكرم مكرينها