السلام عليكم ورحمة الله وبركاته
قصيدة يامصعب الدمعه كتابيه + صوتيه
يامصعب الدمعه على خد رجال = لاصار مافي يداه حيل ٍ وحيله
امن الغبن دمعه على الخد همال = وحزنه بقلبه كل ساعه يكيله
ياونتي ونة سجيننٍ بالاقفال = محكوم عشر سنين ظلم وذليله
وبعد انه اكمل تسعة اسنين باكمال = جاب الزمان الكارثه في شليله
عمانك انذبحوا وذباحهم خال = وابوك يبغى من يداوي غليله
وامك تقول الخال يافلان ماعال = وذبحه لعمانك تراها قليله
وبعد السنه فتحله السجن بعدال = قالوله افراج ٍ وعفشك تشيله
رد بحزن ثم قال من عرض ماقال = خلوني اجلس واعتبرها جميله
مالي ومال الثار جانيبه الفال = فالي ردي من جرف نلقى مسيله
دنياي هاذي كلبوها ترى اهوال = راحت حياتي كلبوها مليله
حالي كما حاله بلا نقاش وجدال = لو ان روحي من قدرها عليله
الصدر بالغبنات والدمع قد سال = والعقل لدروب المراجل دليله
اخوووكم عامر سعود العتيبي