يا منتدى البيرق ويا مليونه = يا شعر ولد فطيس يا هجّاسه
اشعاركم تزهو كما المزيونة = الحلوة المضمورة الحسّاسة
شعر ٍ لكم جزل السبايك دونه = متميز ٍ في نبضه واحساسه
الملتقى هذا عرين امبونه = وانتو ف براري الملتقى نبراسه
شعر لكم منهو قراه اعيونه = من الحزن كنها ف بحر غطّاسة
او في المديح احلا قمر في كونه = واسهيل وامدار الجدي جلاّسة
او في الفرح مثل الزمرد لونه = يشرح نفوس الغم في ألماسه
لكن انا عندي عتب مضمونه = اردودكم كالمعلن بافلاسه
اقليلة ٍ والله يكون ف عونه = فكري يلي ينزف شعر بانفاسه
ردوا على السيد رضا تلقونه = من كثر ما ينطر يحكحك راسه
صاير ثلاث ايام جن اجنونه = مثل المقيرع لي سقط في الطاسة
عند العرب الزاقر ايلبونه = لي تنقضي له حاجة ٍ مسّاسة
ما جيت امدح نفسيا واشلونه = اللي مدح نفسه تجيه ارفاسة
بعض العرب لو تصرخ ف آذونه = ميت ولا له في الحياة اسياسة

المصدر: الملتقى الجماهيري للشاعر محمد بن فطيس المري