الآوله حق العرب ما هضمته = والثانيه نباي في كُل ديره
والثالثه الصيرمي لا عدمته = خذيت منه الآوله والآخيره
المُستحيل يحبني يوم رمته = كآن مصيري مرتبط مع مصيره
واليآس حاربني لكني هزمته = وآيامنا راحاتها مُستديره
عزي مِن أبوي الكريم إستلمته = على المسار أكملت نفس المسيره
أبوي أبوي الصيرمي لا عدمته = خذيت منه الآوله والآخيره
كم واحدٍ أحسسه بأني فهمته = أقرا في عينه ما حوته السريره
وكم واحدٍ لو ما حشمني حشمته = ما هو على شآنه على شآن غيره
وكم واحدٍ لو يجهل إسمي ما لمته = عُيون لومي عن شراته ضريره
وكم واحدٍ عليه غيضي كتمته = آسامحه وأقول هو وضميره
وكم بيت شاعر كني اللي نظمته = يجذبني أسلوبه وحُسن تعبيره
وكم سيف في شوط التحدي لطمته = ونفوس مَن تكره نجاحي كسيره
وكم من جدارٍ في طريقي هدمته = وبنيت بأحجاره للآجيال سيره
وكم عاقلٍ تستغرب الناس صمته = كبير وعقول الخلايق صغيره
وكم حلم يتحقق لا مني حلمته = يُثيرني يوم آحلمه وآستثيره
وكم يوم من عمري يا وقتي خصمته = ياما آطولك وآيام ناسك قصيره
إنسان أحس أنه كفو لا إحترمته = نفسه غنيه لو يدينه فقيره
وإنسان بخزام الوفا لو خزمته = نار الغدر في وسط يوفه سعيره
وكم واحدٍ لو ما حشمني حشمته = ما هو على شآنه على شآن غيره
وكم واحدٍ لو يجهل إسمي ما لمته = عُيون لومي عن شراته ضريره