09-25-2011, 12:20 PM
|
|
|
# لأهل [ العقول ] الفآضيه كـ القرآطيس !
..
السلام عليكم ورحمه الله وبركاته ,
مما " يفقع المراره ويسبب الصداع الدائم والقلق
" بعض ضعاف النفوس في هذا العالم !
استغربها فعلا ..
تلك التصرفات التي لا تدل الا على تفكير وعقلية من يتصرف بها ,
فـ يآتيّ فلان يضحك مع فلانه " قالوا بينهم شي "
ويآتي فلان يكتب بيت شعرْ .. قالوا اكيد اهداء ويقصد شي !
ويجي فلان يحب النصر " قالوا يحب النصر علشان فلانه نصراويه " ! > ابو المرض اللي انتم فيه  
لعنبوا هالتفكير ؟
وهذي القصيده اهداء .. لهذي الفئه : )
ماهي هجاء ولا شي بس دعوه علشان تفكر بعقلك .. حتى بحياتك .. خخخخ
وطبعا الجزء الثاني من القصيده غزل في حبيبي بعد .. < هههههههه 
> مندبله كبدها من اللي تشوفه ببعض الناس ..
نـيــات قـلـبــي مــثــل ضــــيّ الـفـوانـيـس
وكـلــن عــلــى كـيـفــه يـخـايــل لـبـابــه !
يمكـن تقـول انــيّ مــن احـفـاد ابلـيـس
ويمكن تقولـي " مـن نسـول الصحابـه
بنظرتك تقدرْ تشوف الاسد " تيـس "
وبنظـرتـك تـقـدرْ .. تخـطـيّ الذيـابـه !
وبعض الخطـا أبيـض بـلا أي تدليـس
مثـل الطـفـل مـحـدنٍ يحـسـبْ لـحسـابـه
وبعض الخطا محبوك خلف الكواليسْ
تـفــوح مــنــه الـمـنـذلـه .. والـغـرابــه !!
ياهـل العقـول الفاضـيـه كالقراطـيـس !
الكلب ينبح .. بس وين السحابـه ..
لي صاحبٍ فوق الوصـف والمقاييـس
وأغلـيـه وأحـبـه وأمـــوت ابـعـذابـه .. !
مـثـل الحـلـم وصـلــه وقـطـعـه كـوابـيـس
وجفنـي سهـيـرٍ .. بـيـن وهــم وسـرابـه
بنك اشتياقـيّ .. اعلـن اليـوم تفليـس
طــــاح اقـتـصــاده واسـهــمــه وأكـتـتـابــه
يا صاحبي حسيّ خوى فاضي الكيس
استغفر " الله " بآع حتـى ثيابـه .. !
تدريّ وش اللي يذبح القلـب ويحيـس
لا من عشقت .. وما قـدرت أتحكابـه
وتـدري وش اللـي ضمنـي للمتاعـيـس
ذاك الـســؤال الـلــي يـتــووّه جــوابــه !!
سـلامْ مـن نجـران الـى مفـرق العـيـس
مــن شـاعـرٍ قـصـر بوصـفـك كـتـابـه ,
..
وسلآمتكم
*؛
وشلون ابنساك وانت مخاشر عروقي
يامخاشر العرق في دمي / وش الدبره !
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ( [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ... [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل])
_
|
