06-21-2018, 03:35 AM
|
|
|
حب الشرف
.
.
ياعاذل المشتاق تصبح على خير
ارقد ومثلك مستريح الضميري
مابيك تعطيني نصايح وتبرير
من لاستشارك لاتجي له شويري
لاصار ما عندك دلايل وتفسير
خل الكلام وعلّم الدرس غيري
لاضعت لاترسل وراي المداوير
وأن مت مااحد في ذنوبي خشيري
كلٍّ حسابه عند والي المقادير
يسير وإلا عند ربه عسيري
ماذقت لوعات البنات الغنادير
نجل العيون مولعات العشيري
ولاعذبنك في طوال المشاوير
والليل كله ماقضيته سهيري
حب الشرف مافيه عيب ومحاذير
العيب فعل المنكرات الخطيري
درب الهوى قبلي مشوه المناعير
ماني بالاول بالهوى والاخيري
اخير مني ناطحين الطوابير
اللي على الجمع المقابل تغيري
تشهد لهم كتب الأدب والأساطير
وحنا على درب الأوايل نسيري
ليا بغيت اخذ نصيحه من الغير
انشد مجرب بالحياة وخبيري
.
.
-
#شعر//
منوخ نادر الحميداني
.
.
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1
-
|
