أنا ما نيب لا مشرك ولا فاسد ولا عربيد=أنا اللي لا عصى وأخطأ تجهّم وأقلقه ثوبه
أنا الإنسان حمّال النقايض والكمد والكيد=غريب الطين واللذات من راسه لعرقوبه
أنا عبدك يا ربي وأنت تفعل ما تشاء وتريد=سألتك يالله بعفو ٍ عظيم وهيّن دروبه

لا ذعذع الغربي على حروة مساي = حرك جروحي قبل وقت المباتي
وأسهر مع حزني واعزف على الناي=وأحمل وسط قلبي هموم الحياتي
والبارح ضاق الصدر واشعل حشاي= صوت المطيري شب نار وقداتي
وانا اعيش وبحر الاحزان مرساي = وكنه معي عايش وفي مرفقاتي
شفت الفرح يبعد وحزني بمعناي = يرسم لي الصوره واصبح مراتي
شمس الفرح غابت وليل الحزن جاي=وبدل لي اوضاعي وابرز سماتي
واجرت وناتي على عزفة الناي= واقضي لثلث اليل جر الاهاتي
وليا انتهى ليلي افكر بلامي = واقن لغير الله شكاتي مماتي
واقوم واشر بيدي للحزن باي =منته كبير الله كبير الصفاتي
وستغفر واتوبه زلة خطاي =ثم اتوضى واستعد للصلاتي

ليت لي ذود يدك البيد واحداله لحاله
كان ماوالله علي خلاف في نجد العذيه
جفت اقلام الغرام وطول المحبوب باله
والله اني ماهقيت ان الغضي يقسي عليه
وش خطاي الا المحبه وش رجاي الا وصاله
وش يبي غير الموده والغلا والمقدريه
دللوه اللي ربوه صغير واسرف بي دلاله
ليت لي قلب يطيق الصبر وعيون خليه
والغضي لو لاعه التحنان وبقلبه عداله
ماغذت من دونه القيعان جردٍ جرهديه
وان تشره قايد الغزلان ماله بي جماله
لعنبو من خان خلانه وجنب عن خويه
عن جنوبه والوله والشرق يغنيني شماله
صد ياقلب الجفا لاصد وضاح الثنيه
ماانت ياالخفاق عبد له ولا انت اصغر عياله
انت خفاق الضلوع العوج والخيره خفيه