رد: ذكريات ومواقف بالمطبخ
عاد اخرووووو جيتكم أنا هههععع
صراحه مواقفي كثيره جدا في المطبخ أشي مضحك وأشي مرعب <<< ما عليكم مشوا مشوا
من كثرها نسيت اغلبها بس اتذكر مره كنت سهرانه لحالي ووقتها كنت توني طالبه في الطعشات من عمري << يعني لاحد ينقد تراني ورعه دارين كملي بس
عاد انا كنت اعشق البطاطس المقلي والكاتشب يوووه كانت وجبتي المفضله وبسم علي اصراري قوي الا بسوي
لي وكل اللي اعرفه اني اقطع البطاطس واقليه بصينيه وفيها زيت
واجيكم واجيب تاوه عميقه شوي واعبيها زيت الله لا يوركم واولع البوتوقاز واخليه عا النار والنار اقوى شي
طبعا كنت مقطعه البطاطس قبل وابدى اقلي ومنسجمه مع نفسي ومسويه لي جو وانا سهرانه لحالي واغني
بالمطبخ ومسكره باب المطبخ المهم اني صار لي اكثر من ساعه واقفه ع البوتوقاز وفجأه اسمع صوت احد يسالني انتي وش تسوين
والتفت لم الباب انا ما اشوف احد سوا جسد بس شخص لابس ثوب ابيض وجهه مدري وين << بسم الله الرحمن الرحيم خرعي البنات
اقولكم ايش صاير هههههههههههه الله لا يوريكم المطبخ على كبره كله دخاااااااااااان اثر وراي غيوم وانا مدري
واخوي كان يكلمي احرقتي الزيت ولعي المروحه ومستغرب وش هالطبخه اللي كلها دخان وانا واقفه ومفهيه و
منصدمه من الاجواء اللي وراي واخوي يكلمني اقوله انت وينك ترا ماشوفك اللحين وهو ميت علي ضحك
وعلى طول طفيت النار وولعت المروحه وحاولت اسيطر عالدخان وتعالوا شوفوا بكره انواع التريقه والتعليقات ع الغداء
استروا على ما واجهتم هههههههههههه
|
