فج‘ـ~ـأة على [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل].. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]إتصالي
من رقم والله فيه خمسة ثلاثات


قالت مساء الخيرات .. ياكل غالي
تسمح أدردش معك لو بضع لحظات


ابا اتونس .. دام لليل تالي
ومعك بدردش دردشه فالثقافات


قلت اعذريني .. مارتخي للهزالي
طبعي كذا ماحب اكلم بنيات


قالت مصيبة ؟ .. وي ياهملالي
غريب هاذا مايكلم جميلات


قلت اقفلي .. قالت ترى من حلالي
شكلك بخيلاً .. ماتحب الكلافات


قالت عزوبي ؟ .. قلت راضي بحالي
أفضل من إني اعتنق ؟ قصر الآهات


قالت هذا قصراً مهو قصر خالي
قصراً به الراحة وكل المسرات


قلت ( شسمه ) اللي أبيها حلالي
للحين أدورها .. وللحين ماجات


قالت انا يمكن يهزك جمالي
جرب وربي ماتشوف الحسوفات


قلت الجمال اللي احتواه الدلالي
ضميه لايصبح مع الريح ذرات


قالت عن الغلطات .. خلك مثالي
ترى سلوبك يرفع الضغط ساعات


ضحكت منها ضحكه بصوت عالي
ومع ضحكتي .. زودت بعض التنهات


قالت غبي ؟ .. قلت الغباء شي خيالي
خصوص للي مثل نوعك غبيات


قالت خبل ؟ .. قلت افتخر في خبالي
أحب أكون الخبل لاشفت خبلات


وقبل مهبول أقول ماحلى هبالي
ترى الهبال يطيب لي فبعض الأوقات


قالت أحسك .. ماتحمل جدالي
وراك متذمر وداخلك حسرات


قالت .. بجد أبي تجاوب سؤالي
أرجوك جاوبني وقول الصراحات


هل لك حبيبه قدرها بجد غالي ؟
وإلا تونس خاطرك بالصداقات ؟


قلت احتفظ في هالاجابه لحالي
وصكي ترى ماحب بعض التفاهات


قالت قهر .. ليتك من أعيال عمي
وإلا أمي وأمك خواتً شقيقات


والله لحبك .. لينه إيبيد حالي
ووالله لسوي في غلاك المصيبات


لكن تبي المنتوج يابن الحلالي
لقيت رقمك عند اعز الصديقات


قالت هذا شاعر .. وصوته خيالي
شوفي عنه يمكن يسوي علاقات


وهزيت راسي .. من جنونً بحالي
جنون من يونس من الوقت طعنات
ليه الورود اليوم من غير والي
وشلون ترمى فالخطر والمتاهات