حي الله اللي يغيـب ويسـرع الـرده
اللـي يجينـي الـى مـنـه تباطـانـي
البـيـت ذا خـابـرن مضنـونـي يـعــده
وان غبـت بالبيـت ذا قــام وتـولانـي
واليوم مضنون عيني غـاب لـه مـده
وأرسل له البيـت والتقريـر ماجانـي
وأقول في خاطري هو صد من جده
وأرب عــــاده يـروعـنــي ويـلـعـانـي
يعني جميع الغلا اللي جاه ماسده
ولا كفـاه إن حبـه شــرب شريـانـي
جعل الحزن والسهر والضيقه تحده
يطلـع ارقـام ربعـي واصغـر اخـوانـي
ثم يتصل بي واشوف الرقم واسـده
وأقـول يامـوت ذق ماذقـت بلسانـي
وأنا تراني من الشحنـه علـى حـده
لكـن خلـه جــزا لــه يــوم يجفـانـي
