لوينسجـد للعبـد حشـمـه وتقـديـر
والله لسجـد لـك ولايــه وطـاعـه
ولوخيرونـي بيـن خضـر الدنانيـر
ولالقـاك وشوفتـك ربــع سـاعـه
لأختـار شوفـك لوغدالـي معاسيـر
واترك بنوك المال وارضى المجاعـه
واقول كل اللي حصـل لـي مقاديـر
ولالـي بغيـره لوعطونـي طماعـه
وهو رفـض لجلـي جميـع الغناديـر
وقفت له وقفـت وفـا مـع شجاعـه
قلت اسمعوا ياأهلي وش اللي يبي يصير
اللي خطبنـي تـااااج راس الجماعـه
قلتـم وزدتــم ماتفـيـد المعـاذيـر
ابيـه لوعشـت الشـقـا واللبشـاعـه
وانا اتحمـل كـل نقصـن وتقصيـر
لاتحرمـونـي مـنـه ياللجـشـاعـه
حالي مثل حـال الـذي تـوه اصغيـر
يتيـم يبكـي ماحصـل لـه رضاعـه
أمـه توفـت مـن مرضهـا بتعزيـر
وهو يصيح وكـل ربعـه قطااااااعـه
يعني افهموا هالوضع من دون تفسيـر
مالـي بغيـره دام عـنـدي قنـاعـه
ولا..بعيش العمر عانس وانـا بخيـر
وان مـت قبـري تحفرونـه بقـاعـه
ومرو عليهـم بالجنـازه مـع السيـر
خلـووووه يرفعنـي بكفـت اذراعـه
هذي وصيـت مـن حدتـه المقاديـر
علـى هلـن ماعندهـم لـي شفاعـه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
