صبَاح الورد ..
بدون تحضير ومن فكري إليكم ..
وجبة خفيفة
وعملاقة فقط بحضوركم :
ياصاحبـي مات الولـه وأكثـر الحـب=وش عاد نرجي كل قلبٍ فقـد نبـض
ناس تحسب الحـب ياسيـدي حـرب=تنفيذ سلطـه وإحتـلال وغصـب أرض
وناسٍ تهنـى بالحبايـب علـى قـرب=ماضامها ظلم البخـت واسـود الحـظ
وانا لي الله كـل ماشفـت لـي درب=عندي تساوا طول دربـي مع العـرض
عليك ياللي حط عشقـه هنا غصـب=باقصا ضلوعي لين قلبـي كـذا جـض
أون ونة من حدآ فرررحته ( كررب )=واضيق ضيقة من على ذمتـه قـرض
تبت يديـن الحـزن ياصاحبـي تـب=وتبت يدين اللي تبـي الحـب ينقـض
خلك معي ياغايتـي وابشـر ( بقلـب)=يعزفك بعروقـه علـى دقـة النبـض
يملابك الدنيـا مـن الشـرق للغـرب=ويصون قلبك صونـة الشيـخ للفـرض
وسلامتكم
م ح م د
