ياذيك العيون اللي وسعها وسع فنجال=وانفاسهـا تشـبـه ذعـاذيـع نسـنـاس
قلـبـي يابنـيـه مــن الـحـب مهـتـال=كم له من سنين و مشـاعـره يـبـاس
جـذب قلـبـي حــلاك واشغلـتـي الـبـال=يامـن تبـارق فــي معاصـمـك الألـمـاس
الـحـب مــره واكـثـر الـهـم قـتــال=والضيـق فـي صـدور الرجاجيـل كـبـاس
مايسـتـوي عـريـب الـعــم والـخــال=فـي اللـي يجـاكـر البـنـت باللـبـاس
غلطـان ياللـي تجـازي القلـب بهـمـال=ليتك تداريه بـــــــعـذ ب الارمــاس
ياوين ابلقى قلب ن للثقيـلات يشتـال=يقضـي اللـزوم بطـيـب راس و تحـمـاس
وابـدل لـه ركــوك الابـيـات بـجـزال=للخـبـث نـبــاش وللـطـيـب عـســاس
بـعـض الرجاجـيـل للطـيـب مـاطـال=ضـايـع وفــي هـرجـه مخاسـيـر وافــلاس
العقول اللـي تمتلـي زيـف و خبـال=عـز الله انـهـا فــي المواقـيـف تحـتـاس
مـن بغـى العـز مايلقـاه فــي مــال=العـز يلقـا فـي فعـول ترفـع الـراس
لاتحسبـنـه فــي الـدلــع والتـريـفـال=تــراه فــي قــوة القـلـب والـبـاس
قـلــب الــرجــل درع ن وســربــال=وقـلـب الـمـره مــن الضـعـف حـسـاس
لاشفـت فـي دنيـاك غرابيل واهــوال=وصرت في دنياك ضايق ومحتاس
والهـم عين للصدرك دروب ومدخـال=لاتـبـدي الـهــم والـضـيـق لـلـنـاس
ولاتشتكي للي يهمـك امـره عـن الحـال=لابـاس ياقلـب ن ممتـلـي هــم لابــاس
ارفـع يدينـك للـي ثبـت الارض بجبـال=بكاف ونون يشيل هم قلبك مـن السـاس