مايفيدك يا حبيبي مايفيدك
...............لو طروقك هم ودروبك نكاده
/
في المحبه يا حبيبي خل افيدك
.................بالعلوم الي توردك السعاده
/
وسع الخاطر ولا شي ٍ يكيدك
...........واعذر الغلطان لو عذره عناده
/
ولا تحسّب من ورا منهو يريدك
...........واترك الموضوع يمشي بالركاده
/
لو نسى في يوم يسال وش جديدك
.............ويوم ثاني شدته عنك الوساده
/
الظروف يجيلها يوم وتصيدك
..........طالما ان الوضع ماقد صار عاده
/
مش له ثنتين..واربع من رصيدك
..............وانغلط هو زود مشيها زياده
/
خلّ قريبك سمح..والزعله بعيدك
...........وكان بالك راح ..اشر له ناده
/
لاتحده لين يتحرر من ايدك
............ماورا زود المعاتب استفاده
/
لا انت له سيده..ولاهو صار سيدك
..........المحبه طيب ... تحسبها عباده؟

للشاعر : ماجد بن عفيصان