رد: موطن كلمات المنفى
يقول لي واحد من الناس وش فيك ؟
واقول له وش فيك هذي قليله
قل لي عسى الله في حياتك يهنيك
ويرتاح قلبك صبح يومك وليله
قلبٍ فتح للهم باب وشبابيك
همه وهم الناس غيره يشيله
بالعون بيض ايامها باخله فيك
وسود الليالي فيك ماهي بخيله
اذا اغتنى صاحبك يخلف هقاويك
واذا بغاك يجيك يبسط شليله
بعض العرب من عطره الزين يهديك
وبعض العرب هديته حنظليله
شايب وعلمه طيلة العمر تشكيك
وشباب في علمه سبق علم جيله
.
|