أمرّ بابه في غيابه واناديه=وابقى على بابه واعدّ الثواني
وانسى بعاده وانتظر قول: لبّيه=وتمرّ بي ساعة وانا في مكاني
أسأل واجاوب واعتذر منه وارضيه=والوم شوق/ن عند بابه دعاني
لاحّول حتى في غيابه أداريه=واقسى على نفسي واعاتب زماني
في كلّ عام آقف على الباب وادعيه=في وقت ميعاد/ن نساه ونساني
كانه نسَى الموعد فلانيب ناسيه=ياكود ينسى العام شهر ارمضاني
ودّعتك الله يا عهود الهوى فيه=ودّعتك الله يا كفوف الحناني
ما اشتقت يا بابه لمَلْمَس أياديه ؟!=والعطر واسجاعه بلحن الأغاني !
ما اشتقت لاقبالة محيّاه يا هيه=ولا تعاني في النّوى ما أعاني
شوقي تعدّى الوصف ما عاد يمديه=يوصف سيام الطعن بين المحاني

المصدر: الملتقى الجماهيري للشاعر محمد بن فطيس المري