سلام الله على اللي يشرق الابداع بابياته=يجيب المفردات اللي عليها القول محبوكه
ولامني نخيته بالكلام يفز ما فاته=يرد القاف نفس القاف باسلوبه وبسلوكه
يمد ومدته تغني الى من مد مداته=قصيد وشاعريدرك مرام الشعرودروكه
نعم خالد الى مني ذكرته جات حزاته=يزيد مع الكلام احساس فايض عالم ملوكه
وانا ودي اجي يمه ولااعرف وين وجهاته=ولااعرف باي ارض يكون ولاحوال مصكوكه
عبيريدي عتيبي والنعم في كل وقفاته=مطاليق النشاما لالفاها الضيف مبروكه

هلا بالصايغ الي صاغ في معناه نياته=على حرف المعاني جات محبوكه ومسلوكه
اثنيها بطيب ومعرفه لو جات كلماته=على الشكلين ممنوعه عقب ماماتت اشكوكه
ذكرني ماتناساني ولاني ناسي إوصاته=سبق مال النخاوي فالكلام الفعل مدروكه
بحيث انه جنوبي والكرم والعز لأسماته=حفيد اهل المكارم والشهامه تحسب بنوكه
انا شفق ٍ على شوف الخوي وابغى ملاقاته=ولو ان الزمان الشين مانسلم من اضنوكه
تقدم يارفيق الخير وأعرف كيف غاياته=على وضح النقى وأحبالنا بالجود مشبوكه

المصدر: الملتقى الجماهيري للشاعر محمد بن فطيس المري