السلام عليكم ورحمة الله وبركاته
ارجو ان ترتقي الى ذآئقتكم
لا تحكم الا على شي ٍ يقين=ولا تغث الناس بأستجوابها
لو تشوف انهم معك مستانسين=لصدور الله عليم ٍ مابها
كان شرهاتك على شح السنين=رحمة الله ما تقفل بابها
ماتضيق الا صدور الخايبين=وما تبور الا قلوب اصحابها
وما تزوغ الا عيون الخاينين=والضحايا قدرها واحبابها
والعلوم الكايده للصاملين=تحتمي لأقوالها واشنابها
هكذا الدنيا تضد الطيبين=وذل جارحها وعز غرابها
ربنا نستغفرك في كل حين=عالم ٍ بأجالنا واسبابها
متقينك وبدعاءك نستعين=وما حصل من مدتك نرضابها
اهدنا درب الرجال الصالحين=واغننا عن حاجة ٍ نشقا بها
وعافنا واحفظ ديار المسلمين=من موالين الكفر واذنابها
ولا تواخذنا بفعل المذنبين=من تخالف ملتك وآدابها
والديار اللي بلاها حاجتين=شو ماطرها وموت ترابها
اسقها وافرج هموم الممحلين=واكسها ودياهنها وهضابها
بالعشوب الي تسر الناظرين=لين تشبع نوقها وركابها
ودمتم