رد: رشيديات ( شعـر )
.
العين تبكي وأسرفت بالمناديل
ولو كانت دموعي بحر كان نشت
على فراق أم الرموش المظاليل
يطلع هدبها للملا لو تغشت
اذكر زمان كان كله تعاليل
واذكر زمان فيه بالوجه بشت
واذكر غياب الشمس والهمس والليل
ولا هان يوم فيه بالقلب دشت
كنت المبجل عندها كل تبجيل
لو اغلط بكلمة تغاضت ومشت
كانت لقلبي مثل عذب المناهيل
سحابةٍ يوم اجدب القلب رشت
كانت رحيمة ما تحط المحابيل
ما عمرها للقلب خانت وغشت
بس الزمن قاسي ولا به محاصيل
تصبح سباعه جايعة ما تعشت
وغبر الليالي حلحلت باقي الحيل
وايامها وقفت بوجهي وكشت
...
..
.
نشمي حامد المويعزي الحربي
.
|
