اللي حسبني بطلبه واترجاه=واصدقه واقبل سواته واطيعه
امداه حس بقيمته صح وامداه=اطعم مرارة كل غلطه شنيعه
وانا معه كنت اذكره واتناساه=واقلب هجوسي بين تركه وبيعه
ماهمني زينه وبسمة شفاياه=وسحر الشواطي في العيون الوسيعه
مادامني لاحظت قلة مزاياه=وشرن لو انه داخلي ماستطيعه
وحاولت ارده عن تساهل خطاياه=واحذره لا يتخذها طبيعه
وقابل كلامي بالشتايم وخلاه=وزاد الحجاره في جدار القطيعه
ومن بعد غاب وصدت ابواب ذكراه=مر - وطراء في البال جمله سريعه
ماسرني باول طريقن مشيناه=بيسرني لاقفى عطاه وربيعه !!!
