يالله يالله يامن عالم الخافي
.....ياخالق الخلق ياعالم خوافيها
.
يارب فضلك على كل البشر ضافي
.....لاماعطيت الخلق محداً بيعطيها
.
و ليى دعاك العبد ما ظنتي خافي
.....ادعيك يارب جروح القلب تشفيها
.
من غير يدك جروحي مالها مشافي
.....دكاتر الطب ماتقدر تداويها
.
ذقت العنا والشقا من وقتي الجافي
.....ويالله تستر من الدنيا وتاليها
.
الوقت جاير معاي ولابعد صافي
.....طواري الوقت يامكثر بلاويها
.
دنيا لخطو الهديفه تاعد وتافي
.....اما المناعير ماظني توافيها
.
كم راس قرمً صميدع بالقا سنافي
.....اليوم حتى ضيوفه مايعشيها
.
وافي ولكن زمانه مامعه وافي
.....صارت علومه ولا واحد بيطريها
.
راحة علومه وصار الفايز الهافي
.....اللي علوم الردى نفسه تدانيها
.
خايب بوسط المجالس ياتقل غافي
.....وهروج الاجواد ماعمره نطق فيها
.
من قل ماله بوسط الناس ينعافي
.....ومن زاد ماله تعلا في معاليها
.
يقطع زمن فيه نسل اهل الوفا حافي
.....وعيال العفون بالدولار كاسيها
.
من قبلنا كم هلك طيبين الاسلافي
ناسً لها الطيب في تاريخ ماضيها
البوم فيه متعلي فوق مشرافي
.....لواحسافه تعلا فوق عاليها
.
والحر الاشقر لنزل النايفه عافي
.....صار النداوي متخبي بين واديها
.
دنيا عجيبه غريبه مالها وصافي
.....ان ادبرت للرجل شحة لياليها
.
واخر بيوتي ويامن يعجبك قافي
.....مني نصيحة وفاياصاح ابي اهديها
.
لاشفت نكبات وقتك جنك اردافي
.....ازبن على المعتلي المعبود واليها
.
وترك هوى النفس وتبع دين الشرافي
.....ولاتتبع اهل الهوى وزهد مماشيها
.
هنيت من هو أعماله كلها نظافي
.....هذاك يوم الحشر نفسه مزكيها
.
وياللي خلقة الخلق من كل الاصنافي
.....انك عبادك على المعروف تهديها
.
الشاعر
عبدالله لهمود متعب البدري العنزي