رد: شآمخ الهآمة
تعـال لا تجـرح متـون السحابـه=ياشااامخ الهامة ترى غـارت الريـح
هلت مزون الشوق بأرض الصبابـه=وغرد حمام الدوح عقبـك مجاريـح
حبر النـدى أعيـا الزهـر بالكتابـه=ونسمات حبك زفها عاااطـر الشيـح
تعـال شـوف النـور شقـق ثيابـه=منك أستمد الروح وأشعّل مصابيـح
الصمت في حضرة جنابـك مهابـه=والهرج عين ومعظم الشوف تلميـح
في غيبتـك حزنـي منـوّخ إركابـه=وأضحى مراح القلب ضيم ٍ وتجريح
البعـد ظااالـم والمسافـه إحرابـه=هدد بها جنـد الغـلا دون تصريـح
ياآسري طيفك خفوقـي سـرى بـه=في ليلـة ٍ قمـرا سكـون وتباريـح
خآوى نجوم الليـل عشقـك زهابـه=محكوم لك بالحب ماطـال تسريـح
تحتضنه الغربـة ويشكـي صوابـه=يبكي على صدر القدر شووق ويصيح
ياهلا ويامرحبا وصباحك كل خير ,,
حياك الله ياشاعرتنا ثورة الزير ,,
صح الله لساانك وصح قلبك وكلك ولاهنتي على هذى المعزوفه الشامخه,,
يقول البيت الشهير ,, (اذا الشعر لايهزك حين سماعه=فليسى جديرا ً ان يقال له شعر)
فعلا ً القصيده هاذي تمكنت من مشاعري ودخلت الاحساس بشكل غريب جدا ,,
لا اقول الا الله يطول بعمرك ويرعاك من كل شر ماشاء الله تبارك الله عليك ,,
كل تقديري وشكري لك وخالص تحياتي ومتابعتي لما تقدمين .
|
