07-06-2012, 11:36 PM
|
|
عبدالحميد الفهمي . و . سعود الزعبي ,
مِن حفل زواج الإستاذ : عبدالمُحسن بن مُعطي الخلاوي الفهمي . في اليوم السادس . مِن الشهر الثالث . لعام إثنان وثلاثون وأربعمئة وألف مِن الهجرة ,
عبدالحميد الفهمي ,
مرحبا في حفل ربعي رفيعين المقام = الرجال الحُرة اللي تُعز سلومها
ليل فيه اصحابنا جات مِن شرقٍ وشام = ليل عيدُ وكُل قوماً تعد علومها
سعود الزعبي ,
والبقى ثم البقى والبدايه بالسلام = وانت سوق الطيبة والرجال تسومها
يا طويل العُمر ما به بلاد بلا نظام = حسب ايام الشهر ليلها مع يومها
عبدالحميد الفهمي ,
احد ما يبلغ مرامه واحد يبلغ مرام = كُل نفساً ما لها زود عن مقسومها
البلاد الله يُعزه تحت حُكم الامام = وانت تعرف حاكم الناس مِن محكومها
سعود الزعبي ,
الله يبلغك ما تشتهيهُ ولا تُلام = والعرب ما تقتنع لو تُحب خشومها
تشتبه ما تشتبه في الاشدة والمسام = جعل عينك تهتني في حلاوة نومها
عبدالحميد الفهمي ,
والله إنا في بلاد العدالة ما نضام = وإن غدينا في لزوم النفوس نسومها
راحت الحَرة عليكُم ورحتُم يم يام = ما عُرف مُعطى بني زُعب مِن محرومها
سعود الزعبي ,
البدو تتكل على الطير مير الطير حام = والليالي مُظلمة والسما بغيومها
زُعب ما ترضى بذله وتنقلها العظام = وانت وش سويت يوم العرب بسهومها
عبدالحميد الفهمي ,
العرب تتعب على الطير ويجيب الحمام = لو يُغيم جوها كُل دار يحومها
ما نقول قصور لكن يلحقها اتهام = يوم انا في ديرتي والديار بقومها
سعود الزعبي ,
لا تنبش في الجحارة ويطلع كل هام = استتر في الجُبة اللي طوال كمومها
وللجميع تقديري وإحترامي ,
مع إحترامي حق جميع الآسامي = ما فيه كاتب يستحق إهتمامي
ما غير آنا ويُمكن ثلاث أربع أسما = وإلا البقية بلغوها سلامي
أبي أقول اللي أقوله بكيفي = فسقان هاليومين واللعب حامي
واللي يُعارضني يُعارض بكيفه = هذا كلامي وآنا حُر بكلامي
واللي يُعارضني يُعارض بكيفه = هذا كلامي وآنا حُر بكلامي
|