الملتقى الجماهيري للشاعر محمد بن فطيس المري - عرض مشاركة واحدة

#1 07-04-2012, 05:08 PM

--طلح الشقا ياشعيب الهم ليه اسئله
دام الشقا في غصونه مورقٍ ماذوى..

صحيح دمعي ونزف الجرح قد سيله
البارحه سال قلت: اشوى غديه ارتوى..

وشلون يروى؟ وسيل العام مابلله
وش عاد لو سال باكر دام سيله سوى..

تعبت اشوف(النهار)...الليل يتسربله
والنوم غادي وذيبٍ بالمحاني عوى..

وايديني اللي بقل الحيله مكبله
ان قلت:هانت يرد الجرح:مالك لوى..

حزن الفرح باد ثوب الهم ما بدله
مليت جمر ٍ طويل الصبر منه اكتوى..

كيف؟؟ أجمع الشوق بغيابه وألم الوله
تعبت اجّمع شتات الجرح وين الدوا؟؟..

نخيت حظي بغيت الطيب والمرجله
اثره:ردي ٍ بخطواته تعثر..ثوى..

الله لا يرحم فراقه ولا يحلله
لامن طرا لي يشق العين ملح الجوى..

واللي عطاه الدلال وصار قبلة هله
انه نبت في خفوقي من عروقي روى..

حدثت قلبي وقلت: العلم قال: أزهله
عز الله انه بحبه يوم شافه نوى..

والله لـ أحبه وأضم الجرح وأستقبله
مدام روحي تشمه في حياتي هوى..

للمبدع الرائع : صالح السكيبي شعيب الهم

المصدر: الملتقى الجماهيري للشاعر محمد بن فطيس المري